കോഴിക്കോട്:അന്താരാഷ്‌ട്ര കള്ളക്കടത്ത് സംഘവുമായി മുഖ്യമന്ത്രി ഓഫീസിന്റെ പങ്കെന്തെന്ന് പുറത്തു കൊണ്ടുവരാൻ മുഖ്യമന്ത്രി പിണറായി വിജയൻ രാജിവെച്ച് അന്വേഷണത്തെ നേരിടണമെന്ന് ബിജെപി സംസ്ഥാന പ്രസിഡൻറ് കെ.സുരേന്ദ്രൻ ആവിശ്യപ്പെട്ടു.മുഖ്യമന്ത്രിയുടെ ഓഫീസിന് കള്ളക്കടത്ത് സംഘവുമായുള്ള ബന്ധം പുറത്ത് കൊണ്ട് വരണമെന്നാവശ്യപ്പെട്ട് ബിജെപി സംസ്ഥാന വ്യാപകമായി നടത്തിയ പ്രക്ഷോഭത്തിന്റെ ഭാഗമായി കോഴിക്കോട് കിഡ്സൺ കോർണറിൽ സംഘടിപ്പിച്ച പ്രതിഷേധ ധർണ ഉദ്ഘാടനം ചെയ്യുകയായിരുന്നു അദ്ദേഹം.
പ്രിൻസിപ്പൽ സെക്രട്ടറി എം.ശിവശങ്കരനെ പുറത്താക്കി രക്ഷപ്പെടാമെന്ന് മുഖ്യമന്ത്രി കരുതേണ്ട. മുഖ്യമന്ത്രിയുടെ മാധ്യമ ഉപദേഷ്ടാവിന് കള്ളക്കടത്ത് സംഘവുമായി ബന്ധമുണ്ടോയെന്ന്അന്വേഷിക്കണം.അറബി രാജ്യങ്ങളിൽ ഇവരുടെനിരന്തര യാത്ര എന്തിനായിരുന്നുവെന്ന് അന്വേഷിക്കണം. പന പോലെ വളർന്ന മുഖ്യമന്ത്രിയുടെ മകളുടെ വ്യവസായ സാമ്രാജ്യത്തിന് ഐ ടി സെക്രട്ടറിയെന്ന നിലയിൽ ചെയ്ത സഹായങ്ങളെക്കുറിച്ചും അന്വേഷിക്കണം.കളളക്കടത്ത് സംഘവുമായി മുഖ്യമന്ത്രിയുടെ ഓഫീസിനുള്ള ബന്ധം എന്താണെന്ന് അന്വേഷിക്കണം. അദ്ദേഹം ആവശ്യപ്പെട്ടു.പ്രക്ഷോഭത്തിന്റെ തുടർച്ചയായി നാളെ മണ്ഡലതലത്തിൽ പ്രതിഷേധ ധർണ നടക്കും.
