കാസര്കോട്: കാസര്കോട് ജില്ലയില് ഇന്നലെ ആറു പേര്ക്കു കൂടി കോവിഡ് 19 സ്ഥിരീകരിച്ചു. രോഗം സ്ഥിരീകരിച്ചവരില് നാലു പേര് വിദേശത്ത് നിന്ന് വന്നവരും 2 പേര് ഇതര സംസ്ഥാനങ്ങളില് നിന്ന് വന്നവരുമാണെന്ന് ഡിഎംഒ ഡോ എ.വി.രാംദാസ് അറിയിച്ചു.
വിദേശത്ത് നിന്ന് ജൂണ് 13ന് അബുദാബിയില് നിന്നെത്തിയ ഇരട്ട സഹോദരങ്ങളായ നാല് വയസ്സുളള കാഞ്ഞങ്ങാട് നഗരസഭാ സ്വദേശികള്, ജൂണ് 18ന് ദുബായില് നിന്ന് വന്ന 30 വയസുള്ള കാഞ്ഞങ്ങാട് നഗരസഭാ സ്വദേശി, ജൂണ് 23ന് ദുബായില് നിന്ന് വന്ന 26 വയസുള്ള അജാനൂര് പഞ്ചായത്ത് സ്വദേശി എന്നിവര്ക്കും, ഇതരസംസ്ഥാനത്ത് നിന്നായി ജൂണ് 29ന് ഹൈദരബാദില് നിന്ന് വിമാന മാര്ഗം വന്ന 34 വയസുള്ള കോടോംബെളളൂര് പഞ്ചായത്ത് സ്വദേശി, ജൂണ് 30ന് ബസ്സ് മാര്ഗം വന്ന 33 വയസ്സുളള കയ്യൂര് ചീമേനി പഞ്ചായത്ത് സ്വദേശി എന്നിവര്ക്കാണ് കോവിഡ് പോസിറ്റീവായത്.
കാസര്കോട് മെഡിക്കല് കോളേജ്, പടന്നക്കാട് കോവിഡ് ചികിത്സാ കേന്ദ്രം, ഉദയഗിരി സിഎഫ്എല്ടിസി എന്നിവിടങ്ങളില് ചികിത്സയിലുണ്ടായിരുന്ന 12 പേര്ക്ക് കോവിഡ് നെഗറ്റീവായി. വീടുകളില് 6871 പേരും സ്ഥാപനങ്ങളില് നീരിക്ഷണത്തില് 322 പേരുമുള്പ്പെടെ ജില്ലയില് നിരീക്ഷണത്തിലുള്ളത് 7193 പേരാണ്. പുതിയതായി 467 പേരെ നീരിക്ഷണത്തിലാക്കി. 617 പേരുടെ പരിശോധനാ ഫലം ലഭിക്കാനുണ്ട്. 504 പേര് നിരീക്ഷണകാലയളവ് പൂര്ത്തീകരിച്ചു.
