ആയഞ്ചേരി: തമിഴ്നാട്ടിലെ ചിന്നസേലത്തുനിന്നും ആയഞ്ചേരിയിലെത്തിയവര്ക്ക് വീട് നിര്മ്മിച്ചു നല്കാന് നാട്ടുകാര് കൈകോര്ക്കുന്നു. മൂന്നു പതിറ്റാണ്ട് മുമ്പ് എത്തിയ ശ്രീനിവാസന്റെയും കാലിയാമ്മയുടെയും മകളായ മഹേശ്വരിയ്ക്കും രണ്ടു മക്കള്ക്കുമായാണ് നാട്ടുകാര് വീട് നിര്മിച്ചു നല്കുന്നത്.
ആയഞ്ചേരിയിലെ കടത്തിണ്ണകളിലും ചെറിയ ഷെഡ്ഡുകളിലുമായാണ് ഇവര് താമസിച്ചിരുന്നത്. വീട്ടുജോലി ചെയ്താണ് മഹേശ്വരി ജീവിതം മുന്നോട്ടുകൊണ്ടു പോകുന്നത്. രോഗിയായ ഭര്ത്താവിന്റെ ചികിത്സയും രണ്ടു കുട്ടികളുടെ പഠനവും മഹേശ്വരിയുടെ ചുമലിലാണ്. ഇവര്ക്ക് വീട് വെക്കുന്നതിനായി സര്വകക്ഷി യോഗം ചേര്ന്ന് കമ്മിറ്റി രൂപീകരിക്കുകയും സ്ഥലത്തിന് അഡ്വാന്സ് തുക നല്കുകയും ചെയ്തിട്ടുണ്ട്.
ലോക്ക്ഡൗണ് സമയത്ത് രാഷ്ട്രീയ കക്ഷികളുടെ സഹായത്താലാണ് ഈ കുടുംബം കഴിഞ്ഞത്. മഹേശ്വരിയെയും കുടുംബത്തെയും സഹായിക്കാനായി രൂപീകരിച്ച മഹേശ്വരി കുടുംബസഹായനിധിയിലേക്ക് സഹായങ്ങള് നല്കണമെന്നും കമ്മറ്റി ആവശ്യപ്പെടുന്നു. കേരള ഗ്രാമീണ് ബാങ്ക് ആയഞ്ചേരി ബ്രാഞ്ചില് 40115101056185 (IFSC : KLGB0040115) എന്ന നമ്പറില് അക്കൗണ്ടും ആരംഭിച്ചു.
പ്രതികരിക്കാൻ ഇവിടെ എഴുതുക: