ന്യൂദല്ഹി: ക്രിക്കറ്റ് ഇതിഹാസം സച്ചിന് ടെന്ഡുല്ക്കറുടെ നൂറ് രാജ്യാന്തര സെഞ്ചുറികള് എന്ന റെക്കോഡ് ഇന്ത്യന് ക്യാപ്റ്റന് വിരാട് കോഹ്ലിക്ക് തകര്ക്കാനാകുമെന്ന് മുന് ഓസീസ് സ്പിന്നര് ബ്രാഡ് ഹോഗ് പറഞ്ഞു.
യൂ ട്യൂബ് ചാനല് പരിപാടിയില് ഒരു ആരാധകന്റെ ചോദ്യത്തിന് മറുപടി നല്കുകയായിരുന്നു ഹോഗ്. സച്ചിന്റെ നൂറ് സെഞ്ചുറികള് എന്ന റെക്കോഡ് കോഹ്ലി മറികടക്കുമെന്നാണ് എന്റെ വിശ്വാസമെന്ന് ഹോഗ് വെളിപ്പെടുത്തി.
51 ടെസ്റ്റ് സെഞ്ചുറികളും 49 ഏകദിന സെഞ്ചുറികളും നേടിയാണ് സച്ചിന് റെക്കോഡിട്ടത്. കോഹ്ലി ഇതുവരെ 27 ടെസ്റ്റ് സെഞ്ചുറികളും 43 ഏകദിന സെഞ്ചുറികളും നേടിയിട്ടുണ്ട്. ഏറ്റവും കൂടുതല് രാജ്യാന്തര സെഞ്ചുറികള് നേടിയവരുടെ പട്ടികയില് കോഹ്ലി മൂന്നാം സ്ഥാനത്താണ്. ഏഴുപത്തിയൊന്ന് സെഞ്ചുറികള് നേടിയ ഓസ്ട്രേലിയയുടെ മുന് നായകന് റിക്കി പോണ്ടിങ്ങാണ് ഈ പട്ടികയില് സച്ചിന് പിന്നില് രണ്ടാം സ്ഥാനത്ത്.
