കുമ്പള: കേന്ദ്രസര്ക്കാരിന്റെ പല ജനകീയ പദ്ധതികളും നടപ്പിലാക്കാതെ സംസ്ഥാന സര്ക്കാര് ജനങ്ങളെ വഞ്ചിക്കുകയാണെന്ന് ഒബിസി മോര്ച്ച സംസ്ഥാന അദ്ധ്യക്ഷന് എന്. പി.രാധാകൃഷ്ണന് പറഞ്ഞു. ബിജെപി ഒബിസി മോര്ച്ച മഞ്ചേശ്വരം മണ്ഡലം കമ്മറ്റി ഉദ്ഘാടനം ചെയ്യുകയായിരുന്നു അദ്ദേഹം.
ഇതിലൂടെ ഒബിസി വിഭാഗമാണ് വഞ്ചിക്കപ്പെടുന്നത്. ഇതിനെതിരെ മണ്ഡലത്തിലെ എല്ലാ പഞ്ചായത്തുകളിലും പ്രതിഷേധ ധര്ണ്ണ നടത്താന് യോഗം തീരുമാനിച്ചു. കൂടാതെ മണിയംബാറയിലെ ബിജെപി പ്രവര്ത്തകരെ കള്ളക്കേസില് കുടുക്കാന് പോലീസ് ശ്രമിക്കുന്നുണ്ടെന്നും ബദിയടുക്ക പോലീസ് ചില രാഷ്ട്രീയ പാര്ട്ടികളുടെ ചട്ടുകങ്ങളായി പ്രവര്ത്തിക്കുകയാണ്. ഇതിനെതിരെ പോലീസ് സ്റ്റേഷന് മാര്ച്ചുള്പ്പടെയുള്ള സമര പരിപാടികള് സംഘടിപ്പിക്കുമെന്ന് യോഗം മുന്നറിയിപ്പ് നല്കി.
യോഗത്തില് ഒബിസി മോ ര്ച്ച മണ്ഡലം അദ്ധ്യക്ഷന് ചന്ദ്രഹാസ പൂജാരി അദ്ധ്യക്ഷത വഹിച്ചു. സംസ്ഥാന ജനറല് സെക്രട്ടറി രശ്മില് നാഥ്, സംസ്ഥാന ട്രഷറര് അഡ്വ നവീന് രാജ്, ജില്ലാ പ്രസിഡന്റ് പ്രേംരാജ്, ജനറല് സെക്രട്ടറി കെ.പുഷ്പരാജ്, ബിജെപി മഞ്ചേശ്വരം മണ്ഡലം അദ്ധ്യക്ഷന് മണികണ്ഠ റൈ എന്നിവര് സംസാരിച്ചു. മണ്ഡലം ജനറല് സെക്രട്ടറി കെ.പി അനില്കുമാര് മണിയമ്പറ സ്വാഗതവും മണ്ഡലം സെക്രട്ടറി സങ്കപ്പ സുവര്ണ നന്ദി യും പറഞ്ഞു.
