മാനന്തവാടി: സിപിഐയില് ഭിന്നത. ജില്ലാ എക്സിക്യൂട്ടീവ് അംഗം ജോണി മറ്റത്തിലാനിയുടെ നേതൃത്വത്തില് കൂട്ടരാജി. ഇരുപതോളം പ്രവര്ത്തകര് രാജിവെച്ചു. രാജി അനിവാര്യ സമയത്തെന്ന് ജോണി മറ്റത്തിലാനി. രാജിയില് നിലപാട് വ്യക്തമാക്കാതെ മാനന്തവാടിയിലെ നേതൃത്വം.
സിപിഐ ജില്ലാ എക്സിക്യൂട്ടീവ് അംഗവും അഖിലേന്ത്യ കിസാന് സഭ ജില്ലാ സെക്രട്ടറി കൂടിയാണ് രാജി വെച്ച ജോണി മറ്റത്തിലാനി.ജോണിക്കൊപ്പം സിപിഐ തവിഞ്ഞാല് ലോക്കല് കമ്മിറ്റി അംഗവും മുന് ഗ്രാമ പഞ്ചായത്ത് മെമ്പറുമായ പി.റയിസ്. തവിഞ്ഞാല് ലോക്കല് കമ്മിറ്റിയിലേയും കൊളത്താട ബ്രാഞ്ച് കമ്മിറ്റികളിലെയും ഇരുപത് പേരോളമാണ് സിപിഐയില് നിന്നും രാജിവെക്കാന് തീരുമാനിച്ചത്.
പ്രാദേശികമായി പൊതു ജന പ്രശ്നങ്ങള്ക്ക് പരിഹാരം കാണാന് നേതൃത്വത്തിന് കഴിയുന്നില്ലെന്നും. സിപിഎം ന്റെ ജനാധിപത്യ ഫാസിസ്റ്റ് പ്രവണതയെ പ്രതിരോധിക്കാന് നിലവില് സിപിഐക്ക് കഴിയുന്നില്ലന്നുമാണ് രാജി കാരണമായി ഇവര് പറയുന്നത്. എന്നാല് ഇത് സംബദ്ധിച്ച് പ്രതികരിക്കാന് സിപിഐ മാനന്തവാടി നേതൃത്വം തയ്യാറുമല്ല. എന്തായാലും സിപി ഐ ജില്ലാ എക്സിക്യൂട്ടീവ് കമ്മിറ്റി അംഗത്തിന്റെ നേതൃത്വത്തിലുള്ള രാജി സിപിഐയെ സംബദ്ധിച്ചെടുത്തോളം വരും ദിവസങ്ങളില് ചൂടേറിയ ചര്ച്ചകള്ക്കും വിവാദങ്ങള്ക്കും വഴിവെക്കുമെന്ന കാര്യം ഉറപ്പാണ്.
