തൊടുപുഴ: സംസ്ഥാന സര്ക്കാരിന്റെ കൊറോണ പ്രതിരോധ പ്രവര്ത്തനങ്ങളുടെ പാളിച്ചയിലും അഴിമതിയിലും പ്രതിഷേധിച്ച് ബിജെപി ജില്ലാ കമ്മിറ്റിയുടെ ആഭിമുഖ്യത്തില് തൊടുപുഴ മിനി സിവില് സ്റ്റേഷനു മുന്നില് പ്രതിഷേധ ധര്ണ സംഘടിപ്പിച്ചു.
ജില്ലാ അധ്യക്ഷന് കെ.എസ്. അജിയുടെ അധ്യക്ഷതയില് ചേര്ന്ന യോഗത്തില് ബിജെപി സംസ്ഥാന ഉപാധ്യക്ഷ ഡോ. ജെ. പ്രമീളാദേവി ധര്ണ ഉദ്ഘാടനം നിര്വഹിച്ചു.
കൊറോണയുടെ മറവില് വൈദ്യുതി ചാര്ജ്ജ് വര്ദ്ധിപ്പിച്ച് പൊതുജനത്തെ കൊള്ളയടിക്കുന്ന സമീപനമാണ് പിണറായി സര്ക്കാരിന്റെ ഭാഗത്തുനിന്നും ഉണ്ടാകുന്നതെന്ന് പ്രമീളാദേവി പറഞ്ഞു. പ്രവാസികള്ക്ക് ക്വാറന്റൈന് സംവിധാനം ഒരുക്കുന്ന കാര്യത്തില് പോലും പരാജയപ്പെട്ട സംസ്ഥാന സര്ക്കാര് പ്രവാസികളോട് ക്രൂരതയാണ് കാണിക്കുന്നത്.
ബിജെപി സംസ്ഥാന കമ്മിറ്റി അംഗങ്ങളായ ബിനു ജെ. കൈമള്, പി.പി. സാനു, ജില്ലാ വൈസ് പ്രസിഡന്റ് ശശി ചാലക്കന്, ജില്ലാ സെക്രട്ടറിമാരായ റ്റി.എച്ച്. കൃഷ്ണകുമാര്, അഡ്വ. അമ്പിളി അനില്, മണ്ഡലം പ്രസിഡന്റ് പ്രസാദ് വണ്ണപ്പുറം, യുവമോര്ച്ച ജില്ലാ പ്രസിഡന്റ് വിഷ്ണു പുതിയേടത്ത്, നേതാക്കളായ സി.സി. കൃഷ്ണന്, പി. പ്രബീഷ്, അശോകന് മുട്ടം, എന്.കെ. അബു തുടങ്ങിയവര് സംസാരിച്ചു.
