ന്യൂദൽഹി: ദൽഹി ആരോഗ്യമന്ത്രി സത്യേന്ദ്ര ജെയിനെ കൊറോണ രോഗലക്ഷണങ്ങളോടെ ആശുപത്രിയില് പ്രവേശിപ്പിച്ചു. കഴിഞ്ഞ ദിവസം രാത്രി കനത്ത പനിയും ശ്വസിക്കാനുള്ള ബുദ്ധിമുട്ടും അനുഭവപ്പെട്ടതിനെ തുടര്ന്നാണ് നടപടി. ഇന്ന് രാവിലെ ട്വിറ്ററിലൂടെ അദ്ദേഹം തന്നെയാണ് ഇക്കാര്യം അറിയിച്ചത്.
രാജീവ് ഗാന്ധി സൂപ്പര് സ്പെഷ്യാലിറ്റി ആശുപത്രിയില് പ്രവേശിപ്പിച്ച സത്യേന്ദ്ര ജെയിനിന്റെ സ്രവം പരിശോധനയ്ക്ക് അയച്ചു. കഴിഞ്ഞ തിങ്കളാഴ്ച കേന്ദ്ര ആഭ്യന്തര മന്ത്രി അമിത് ഷാ വിളിച്ചു ചേര്ത്ത സര്വ്വകക്ഷി യോഗത്തില് ഉള്പ്പെടെ പങ്കെടുത്തതിന് പിന്നാലെയാണ് ജെയിനെ ആശുപത്രിയില് പ്രവേശിപ്പിക്കുന്നത്. മുഖ്യമന്ത്രി അരവിന്ദ് കെജ്രിവാളടക്കം ദല്ഹിയിലെ രാഷ്ട്രീയ പാര്ട്ടി നേതാക്കളും യോഗത്തില് പങ്കെടുത്തിരുന്നു.
ദിവസങ്ങള്ക്ക് മുന്പ് അരവിന്ദ് കെജ്രിവാളും പനിയും ക്ഷീണവും അനുഭവപ്പെട്ടതിനെ തുടര്ന്ന് കോവിഡ് പരിശോധനയ്ക്ക് വിധേയനായിരുന്നു. എന്നാല് അദ്ദേഹത്തിന് രോഗം ഉണ്ടായിരുന്നില്ല. പിന്നാലെയാണ് ആരോഗ്യമന്ത്രി രോഗ ലക്ഷണങ്ങളുമായി ചികില്സ തേടുന്നത്.
