കൊട്ടോടി: കൊട്ടോടി ഛത്രപതി ആര്ട്സ് ആന്റ് സ്പോര്ട്സ് ക്ലബിന്റെ ആഭിമുഖ്യത്തില് കൊട്ടോടി പ്രദേശത്തെ 180 വീടുകളില് 600 ഓളം മാസ്ക്കുകള് വിതരണം ചെയ്തു. ക്ലബ് സ്വന്തമായി നിര്മ്മിച്ച മാസ്ക്കുകള് സൗജന്യമായാണ് വിതരണം നടത്തിയത്.
വരും ദിവസങ്ങളില് കൂടുതല് മാസ്ക്കുകള് വിതരണം ചെയ്യും. ക്ലബ് പരിധിയിലുള്ള മുഴുവന് വീടുകളിലും മാസ്ക്കുകളെത്തിക്കുകയാണ് ലക്ഷ്യം. അതിന് വേണ്ടിയുള്ള മാസ്ക്ക് നിര്മ്മാണം നടന്ന് വരികയാണെന്ന് ഭാരവാഹികള് അറിയിച്ചു. ക്ലബ് എക്സിക്യൂട്ടിവ് കമ്മറ്റിയുടെ നേതൃത്വത്തില് ക്ലബ് മെമ്പര്മാരുടെ സഹായത്തോടെയാണ് മാസ്ക്കുകള് വിതരണം ചെയ്തത്.
