തൊടുപുഴ: തൊടുപുഴ ജില്ലാ ആശുപത്രിയിലെ കൊറോണ വാര്ഡിലേയ്ക്ക് ബ്രാഹ്മിണ്സ് ഗ്രൂപ്പിന്റെ സഹായഹ ഹസ്തം. ആശുപത്രിയിലെ പുതിയ ബ്ലോക്കില് പ്രവര്ത്തനം തുടങ്ങിയ കൊറോണ വാര്ഡിലേക്ക് ആണ് 4 ഐസിയു കട്ടിലുകള് എത്തിച്ച് നല്കിയത്.
ഗൃഹ പ്രവേശന ചടങ്ങുകള്ക്കായി മാറ്റി വെച്ച ഒരു ലക്ഷം രൂപയാണ് ഇതിനായി നല്കിയത്. ആശുപത്രി അങ്കണത്തില് നടന്ന ചടങ്ങില് ബ്രാഹ്മിണ്സ് ഗ്രൂപ്പ് എക്സിക്യൂട്ടീവ് ഡയറക്ടര് ശ്രീനാഥ് വിഷ്ണു ആശുപതി സൂപ്രണ്ട് ഡോ. സുജ ജോസഫിന് കട്ടിലുകള് കൈമാറി. സ്റ്റാഫ് സെക്രട്ടറി കെ.ആര്. രഘു, ഹെഡ് നഴ്സ് ഉഷാകുമാരി, പിആര്ഒ റോണി ജോണ് എന്നിവര് പങ്കെടുത്തു.
