പുനലൂര്: തെന്മല ശെന്തുണി വന്യജീവി സങ്കേതത്തിലെ ഉള്വനത്തോട് ചേര്ന്ന എസ്റ്റേറ്റിലെ കെട്ടിടത്തില് മയിലിറച്ചി കറി വയ്ക്കുന്നതിനിടെ അഞ്ച് തോക്കുകളുമായി മൂന്ന് പേരെ വനപാലക സംഘം അറസ്റ്റു. റാന്നി നെല്ലിക്കാമന് പുല്ലിത്തടത്തില് വീട്ടില് സെന്റ് ജെയിംസ് വര്ഗ്ഗീസ്(34), തൊടുപുഴ ആലംകോട് കല്ലുടുക്കല് വീട്ടില് സിജോ ജോയി (42), കുളത്തൂപ്പുഴ വില്ലുമല ചെമ്പനഴിതടത്തില് വീട്ടില് ഷാജി(51) എന്നിവരെയാണ് അറസ്റ്റു ചെയ്തത്.
രാത്രി 10 മണിയോടെ ശെന്തുരുണി വന്യജീവി സങ്കേതത്തിന് സമീപത്തെ റോക്ക് ഫുട്ട് എസ്റ്റേറ്റ് കെട്ടിടത്തിലായിരുന്നു സംഭവം. എസ്റ്റേറ്റ് ജീവനക്കാരായ മൂന്ന് പേരും ചേര്ന്ന് മയിലിനെ കൊന്നു ഇറച്ചി കറി വയ്ക്കുന്നതായി ലഭിച്ച വിവരത്തെ തുടര്ന്ന് വൈല്ഡ് ലൈഫ് വാര്ഡന് ജീ സജിവ്കുമാറിന്റെ നേതൃത്വത്തിലെത്തിയ വനപാലകരാണ് മൂന്ന് പ്രതികളെയും അറസ്റ്റു ചെയ്തത്. ഇവരുടെ കൈയില് സൂക്ഷിച്ചിരുന്ന അഞ്ച് നാടന് തോക്കുകളും കണ്ടെടുത്തു. ഇന്നലെ വൈകിട്ടു പുനലൂര് വനം കോടതിയില് ഹാജരാക്കിയ പ്രതികളെ റിമാന്റ് ചെയ്തു.
