അടിമാലി: കൊന്നത്തടി പഞ്ചായത്ത് ഓഫീസിലെ സിസിടിവി ക്യാമറയുടെ ബന്ധം വിഛേദിച്ച ശേഷം ബാറ്ററികള്‍ കടത്തിക്കൊണ്ടുപോയി. കഴിഞ്ഞ മാസം നടന്ന സംഭവം സെക്രട്ടറിയും, പ്രസിഡന്റുമടക്കമുള്ളവര്‍ അറിയുന്നത് 5 നാണ്.
ഓഫീസില്‍ നിന്നും ബാറ്ററികള്‍ ഓട്ടോയില്‍ കയറ്റിക്കൊണ്ടു പോകുന്നതു കണ്ട നാട്ടുകാര്‍ പറഞ്ഞതനുസരിച്ചുള്ള അന്വേഷണത്തിലാണ് ബാറ്ററികള്‍ മോഷണം പോയതായി ഓഫീസിലുള്ളവര്‍ അറിയുന്നത്. മെയ് മാസം 17, 18 തീയതികളില്‍ സിസിടിവി ക്യാമറ ബന്ധം വിഛേദിച്ചതായി കെണ്ടത്തിയിട്ടുണ്ട്. ഇന്‍വെര്‍ട്ടറിന് കൊടുക്കുന്നതിനായി 10 ബാറ്ററികള്‍ പുതിയതായി വാങ്ങിയിരുന്നു. ഇതു കൂടാതെ ഇതിന് മുമ്പ് വാങ്ങിയിരുന്ന വെറുതെയിരുന്ന ബാറ്ററികളാണ് കടത്തിയത്.
ഓഫീസിലുള്ളവരറിയാതെ മോഷണം സാധ്യമാകാന്‍ തരമില്ല. ഇതിന് മുമ്പും ഇവിടെ മോഷണം നടന്നിട്ടുണ്ട്. പഞ്ചായത്ത് വാഹനത്തിന്റെ ചില്ല് അടിച്ചു പൊട്ടിയ സംഭവവും ഉണ്ടായിട്ടുണ്ട്. കേസും, അന്വേഷണവുമൊക്കെ ജലരേഖയായി. ഇതിനും വെള്ളത്തൂവല്‍ പോലീസ് കേസെടുത്തിട്ടുണ്ട്.
