കാസര്കോട്: അധികൃതരുടെ അവഗണനക്കെതിരെ വേറിട്ട പ്രതിഷേധവുമായി യുവമോര്ച്ച രംഗത്ത്. സംസ്ഥാനത്ത് ഓണ്ലൈന് ക്ലാസുകള് ആരംഭിച്ചിട്ടും വൈദ്യുതി പോലും ലഭ്യമാക്കാതെ മുടന്ന്തേന്പാറ കോളനിയിലെ വിദ്യാര്ത്ഥികളോടുള്ള സര്ക്കാര് അവഗണനയ്ക്കെതിരെ അവര്ക്ക് മണ്ണെണ്ണ വിളക്ക് നല്കി യുവമോര്ച്ച വെസ്റ്റ് എളേരി കമ്മറ്റി.
പ്രതിഷേധ പരിപാടിക്ക് യുവമോര്ച്ച ജില്ലാ സെക്രട്ടറി സാഗര് തെക്കേ തലയ്ക്കല് നേതൃത്വം നല്കി. ബിജെപി മണ്ഡലം പ്രസിഡന്റ് സി.വി.സുരേഷ്, യുവമോര്ച്ച മണ്ഡലം വൈസ് പ്രസിഡന്റ് വിജേഷ് കുന്നുകൈ, യുവമോര്ച്ച പഞ്ചായത്ത് പ്രസിഡന്റ് വിശാല്, ജനറല് സെക്രട്ടറി വിഷ്ണു, യുവമോര്ച്ച മണ്ഡലം കമ്മറ്റി അംഗം അവിനാശ്, ഷിജില്, ബിജെപി ബളാല് പഞ്ചായത്ത് ജനറല് സെക്രട്ടറി അരുണ്, വെസ്റ്റ് എളേരി പഞ്ചായത്ത് ജനറല് സെക്രട്ടറി സുരേഷ് പറമ്പ, സുധീഷ് ചാത്തമത്ത് തുടങ്ങിയവര് പങ്കെടുത്തു.
