കാസര്‍കോട്: ലോക പരിസ്ഥിതി ദിനത്തില്‍ കര്‍ഷകമോര്‍ച്ചയുടെ നേതൃത്വത്തില്‍ വൃക്ഷത്തൈ വിതരണം നടത്തി.സുഫല കേരളം എന്ന പദ്ധതിയുടെ ഭാഗമായാണ് കാസര്‍കോട് ജില്ലയിലെ നാല്‍പ്പത്താറ് കേന്ദ്രങ്ങളിലായി 45000 വൃക്ഷത്തൈകള്‍ കര്‍ഷകമോര്‍ച്ച ജില്ലാ കമ്മറ്റി വിതരണം ചെയ്തത്.
വൃക്ഷത്തൈ വിതരണത്തിന്റെ ജില്ലാതല ഉദ്ഘാടനം വൊര്‍ക്കൊടിയില്‍ ബിജെപി ജില്ലാ പ്രസിഡന്റ് അഡ്വ.കെ.ശ്രീകാന്ത് നിര്‍വഹിച്ചു. കര്‍ഷക മോര്‍ച്ച ജില്ലാ സെക്രട്ടറി പ്രവീണ്‍ ചന്ദ്രബള്ളാല്‍ അധ്യക്ഷനായി. ബിജെപി ജില്ലാ ജനറല്‍ സെക്രട്ടറി സുധാമ ഗോസാഡ, ജില്ലാ വൈസ് പ്രസിഡന്റ് അഡ്വ.സദാനന്ദ റൈ, മഞ്ചേശ്വരം മണ്ഡലം പ്രസിഡന്റ് മണികണ്ഠ റൈ, ജനറല്‍ സെക്രട്ടറി ബി.എം.ആദര്‍ശ്, ജില്ലാ കമ്മറ്റിയംഗം സദാശിവ വോര്‍ക്കാടി എന്നിവര്‍ പ്രസംഗിച്ചു. രവീന്ദ്ര സ്വാഗതവും, മോഹന്‍ ശങ്കര്‍ നായിക് നന്ദിയും പറഞ്ഞു.
മഞ്ചേശ്വരം: മഞ്ചേശ്വരം മണ്ഡലതല ഉദ്ഘാടനം മംഗല്‍പാടിയില്‍ ബിജെപി മേഖലാ വൈസ് പ്രസിഡന്റ് സതീഷ് ചന്ദ്ര ഭണ്ഡാരി നിര്‍വഹിച്ചു. വസന്തമയ്യ അധ്യക്ഷനായി. പ്രവീണ്‍ ചന്ദ്ര, സദാശിവ, സുരേഷ് ഷെട്ടി എന്നിവര്‍ പ്രസംഗിച്ചു. കുമ്പള പഞ്ചായത്ത് തല ഉദ്ഘാടനം മേഖലാ വൈസ് പ്രസിഡന്റ് സതീഷ്ചന്ദ്ര ഭണ്ടാരിയും, വിവിധ വാര്‍ഡുകളില്‍ മണ്ഡലം ജനറല്‍ സെക്രട്ടറി മുളിയാദവ്, ഗ്രാമപഞ്ചായത്തംഗം പ്രേമലത ഗട്ടി, പഞ്ചായത്ത് കമ്മറ്റി പ്രസിഡന്റ് സുധാകര്‍ കമ്മത്ത്, വൈസ് പ്രസിഡന്റുമാരായ മഹേഷ് പുണിയൂര്‍, സുജിത് റായി, മണ്ഡലം സെക്രട്ടറി രമേഷ് ഭട്ട് എന്നിവര്‍ ഉദ്ഘാടനം ചെയ്തു. മീഞ്ചയില്‍ കര്‍ഷകമോര്‍ച്ച മണ്ഡലം പ്രസിഡന്റ് സദാശിവ ചേറാലും, പൈവളിഗെയില്‍ ബിജെപി മണ്ഡലം പ്രസിഡന്റ് മണികണ്ഠറായിയും, എന്‍മകജെയില്‍ ബിജെപി ജില്ലാ വൈസ് പ്രസിഡന്റ് രൂപവാണിഭട്ടും പെഡ്രെയില്‍ കര്‍ഷകമോര്‍ച്ച ജില്ലാ ട്രഷറര്‍ കൃഷ്ണകുമാറും, അടുക്കസ്ഥലയില്‍ കര്‍ഷകമോര്‍ച്ച മണ്ഡലം സെക്രട്ടറി പത്മനാഭനായിക്കും തൈ വിതരണം ഉദ്ഘാടനം ചെയ്തു.
കാസര്‍കോട് മണ്ഡലം വൃക്ഷത്തൈ വിതരണം മധൂരില്‍ കര്‍ഷകമോര്‍ച്ച മണ്ഡലം പ്രസിഡന്റ് രവീന്ദ്ര റൈ നിര്‍വഹിച്ചു. ബിജെപി പഞ്ചായത്ത് കമ്മറ്റി പ്രസിഡന്റ് രാധാകൃഷ്ണസുര്‍ളു അധ്യക്ഷനായി. യുവമോര്‍ച്ച ജില്ലാ പ്രസിഡന്റ് ധനഞ്ജയന്‍ മധൂര്‍, സന്തോഷ് നായിക്, സുരേഷ് എന്നിവര്‍ പ്രസംഗിച്ചു. കുമ്പഡാജെയില്‍ ബിജെപി ജില്ലാ ജനറല്‍ സെക്രട്ടറി സുധാമ ഗോസാഡയും, ചെങ്കളയില്‍ മണ്ഡലം പ്രസിഡന്റ് ഹരീഷ് നാരമ്പാടിയും, ബെള്ളൂര്‍ പഞ്ചായത്തില്‍ മണ്ഡലം ജനറല്‍ സെക്രട്ടറി പി.ആര്‍.സുനിലും, മൊഗ്രാല്‍പുത്തൂരില്‍ മണ്ഡലം ജനറല്‍ സെക്രട്ടറി സുകുമാരന്‍ കുതിരപ്പാടിയും, ബദിയഡുക്കയില്‍ കര്‍ഷകമോര്‍ച്ച മണ്ഡലം ജനറല്‍ സെക്രട്ടറി ബാലകൃഷ്ണ ഷെട്ടിയും, കാറഡുക്കയില്‍ ഗോപാലകൃഷ്ണയും തൈ വിതരണം ഉദ്ഘാടനം ചെയ്തു.
ഉദുമ: ഉദുമ നിയോജക മണ്ഡലം തൈ വിതരണ ഉദ്ഘാടനം ബന്തടുക്കയില്‍ കര്‍ഷകമോര്‍ച്ച ജില്ലാ ജനറല്‍ സെക്രട്ടറി ജയകുമാര്‍ മാനടുക്കം നിര്‍വഹിച്ചു. മണ്ഡലം സെക്രട്ടറി രവീന്ദ്ര റൈ അധ്യക്ഷനായി. ബിജെപി ഉദുമ മണ്ഡലം ജനറല്‍ സെക്രട്ടറി രാധാകൃഷ്ണന്‍ നമ്പ്യാര്‍, സെക്രട്ടറി കെ.ആര്‍.രഞ്ജിനി, ഒബിസി മോര്‍ച്ച ജില്ലാ സെക്രട്ടറി വിവേകാനന്ദ പാലാര്‍, മഹിളാ മോര്‍ച്ച പ്രസിഡന്റ് സിന്ധു, യുവമോര്‍ച്ച പ്രസിഡന്റ് മഹഷ് ഗോപാല്‍, മഹിളാ മോര്‍ച്ച ജില്ലാകമ്മറ്റിയംഗം ധര്‍മാവതി, ബിജെപി പഞ്ചായത്ത് കമ്മറ്റി പ്രസിഡന്റ് ഗോപാലകൃഷ്ണന്‍, കര്‍ഷകമോര്‍ച്ച പ്രസിഡന്റ് ചന്ദ്രന്‍ തുടങ്ങിയവര്‍ സംബന്ധിച്ചു.
പരവനടുക്കത്ത് ബിജെപി ജില്ലാ സെല്‍ കോര്‍ഡിനേറ്റര്‍ എന്‍.ബാബുരാജും, ബേഡഡുക്കയില്‍ കര്‍ഷകമോര്‍ച്ച മണ്ഡലം പ്രസിഡന്റ് എടപ്പണി ബാലകൃഷ്ണനും, മുളിയാറില്‍ മണ്ഡലം കമ്മറ്റിയംഗം പ്രകാശന്‍ കോട്ടൂരും, ദേലംപാടിയില്‍ മണ്ഡലം വൈസ് പ്രസിഡന്റ് എം.സി.നാരായണനും, പെരിയയില്‍ മണ്ഡലം സെക്രട്ടറി ഇ.മുരളീധരന്‍ നായരും, പള്ളിക്കരയില്‍ മണ്ഡലം കമ്മിറ്റിയംഗം ഭാസ്‌കരനും, ഉദുമയില്‍ ബിജെപി മണ്ഡലം കമ്മറ്റി വൈസ് പ്രസിഡന്റ് തമ്പാന്‍ അച്ചേരിയും വൃക്ഷത്തൈ വിതരണം ഉദ്ഘാടനം ചെയ്തു.
പുല്ലൂര്‍പെരിയ പഞ്ചായത്ത് കര്‍ഷകമോര്‍ച്ചയുടെ ആഭിമുഖ്യത്തില്‍ പഞ്ചായത്ത്തല വൃക്ഷ തൈ വിതരണം പെരിയയില്‍ കര്‍ഷകമോര്‍ച്ച ഉദുമ മണ്ഡലം സെക്രട്ടറി എ.എം മുരളീധരന്‍ ഉദ്ഘാടനം ചെയ്തു. കിസാന്‍ മോര്‍ച്ച മുളിയാര്‍ പഞ്ചായത്ത് കമ്മറ്റിയുടെ സൗജന്യ വൃക്ഷതൈ വിതരണം കിസാന്‍ മോര്‍ച്ച മണ്ഡലം കമ്മറ്റി അംഗം പ്രകാശ് കോട്ടൂര്‍ ഉദ്ഘാടനം ചെയ്തു.
ബന്തടുക്ക: യുവമോര്‍ച്ച ഉദുമ മണ്ഡലം കമ്മറ്റിയുടെ നേതൃത്വത്തില്‍ പരിസ്ഥിതി ദിനത്തില്‍ നടത്തുന്ന ഒരു ദിനം കൊണ്ട് 1000 തൈ എന്ന ക്യാമ്പയിന്റെ ഉദ്ഘാടനം യുവമോര്‍ച്ച ഉദുമ മണ്ഡലം അധ്യക്ഷന്‍ മഹേഷ് ഗോപാല്‍ മാണിമൂല സ്‌കൂളില്‍ വെച്ച് മരതൈ നട്ടുകൊണ്ട് നിര്‍വഹിച്ചു. ബിജെപി കുറ്റിക്കോല്‍ പഞ്ചായത്ത് അധ്യക്ഷന്‍ ഗോപാലകൃഷ്ണന്‍ പടുപ്പ്, ഒബിസി മോര്‍ച്ച കാസര്‍കോട് ജില്ല സെക്രട്ടറി വിവേകാനന്ദ പാലാര്‍, ഗ്രാമ പഞ്ചായത്ത് അംഗം ധര്‍മാവതി പാലാര്‍ എന്നിവര്‍ സംബന്ധിച്ചു.
കര്‍ഷകമോര്‍ച്ച ഉദുമ നിയോജക മണ്ഡലത്തിന്റെ വൃക്ഷതൈ വിതരണം ബന്തടുക്ക സുബ്രമണ്യ ക്ഷേത്രം പരിസരത്ത് കര്‍ഷക മോര്‍ച്ച കാസര്‍കോട് ജില്ലാ ജനറല്‍ സെക്രട്ടറി ജയകുമാര്‍ മാനടുക്കം ബന്തടുക്ക സുബ്രമണ്യ ക്ഷേത്രം ജനറല്‍ സെക്രട്ടറി ഭോജപ്പ ഗൗഡക്ക് വൃക്ഷ തൈ നല്‍കി കൊണ്ട് ഉദ്ഘാടനം ചെയ്തു. ഉദുമ മണ്ഡലം കര്‍ഷക മോര്‍ച്ച ഉപാധ്യക്ഷന്‍ രവീന്ദ്രനാഥ് റൈ, മഹിളാ മോര്‍ച്ച ഉദുമ മണ്ഡലം അധ്യക്ഷന്‍ സിന്ധു ബന്തടുക്ക, ഗ്രാമ പഞ്ചായത്ത് അംഗങ്ങളായ ധര്‍മാവതി പാലാര്‍, രഞ്ജിനി കെ. ആര്‍, കര്‍ഷക മോര്‍ച്ച കുറ്റിക്കോല്‍ പഞ്ചായത്ത് അധ്യക്ഷന്‍ ചന്ദ്രന്‍ കൊളം എന്നിവര്‍ സംബന്ധിച്ചു. കര്‍ഷക മോര്‍ച്ച ഉദുമ മണ്ഡലം ഉപാധ്യക്ഷന്‍ രവീന്ദ്രനാഥ് റൈ അദ്ധ്യക്ഷത വഹിച്ചു.
കാഞ്ഞങ്ങാട്: കാഞ്ഞങ്ങാട് മണ്ഡലം സുഫല കേരളം ഉദ്ഘാടനം മാവുങ്കാലില്‍ കര്‍ഷകമോര്‍ച്ച ജില്ലാ പ്രസിഡന്റ് ബളാല്‍ കുഞ്ഞിക്കണ്ണന്‍ നിര്‍വഹിച്ചു. ബിജെപി മണ്ഡലം വൈസ് പ്രസിഡന്റ് എ.പത്മനാഭന്‍ അധ്യക്ഷനായി. ഗ്രാമപഞ്ചായത്തംഗം ഗീത ബാബുരാജ്, ജില്ലാ കമ്മറ്റിയംഗങ്ങളായ പ്രദീപന്‍ മാവുങ്കാല്‍, എ.കെ.സുരേഷ്, അജാനൂര്‍ പഞ്ചായത്ത് കമ്മറ്റി പ്രസിഡന്റ് മധു, ജനറല്‍ സെക്രട്ടറി സുധാകരന്‍ കൊള്ളിക്കാട്, ടി.സച്ചിന്‍മയന്‍ എന്നിവര്‍ പ്രസംഗിച്ചു. കര്‍ഷക മോര്‍ച്ച മണ്ഡലം ട്രഷറര്‍ ഗംഗാധരന്‍ സ്വാഗതവും, പഞ്ചായത്ത് കമ്മറ്റി പ്രസിഡന്റ് വേണു കോടോത്ത് നന്ദിയും പറഞ്ഞു.
കരിന്തളത്ത് കര്‍ഷകമോര്‍ച്ച മണ്ഡലം പ്രസിഡന്റ് എ.വി.ദാമോദരനും, കോട്ടപ്പാറയില്‍ ബിജെപി ജില്ലാ ജനറല്‍ സെക്രട്ടറി എ.വേലായുധനും, ഏച്ചിക്കാനത്ത് സംസ്ഥാന കൗണ്‍സില്‍ അംഗം ഇ.കൃഷ്ണനും, ബേളൂരില്‍ ഒബിസി മോര്‍ച്ച ജില്ലാ പ്രസിഡന്റ് പ്രേംരാജ് കാലിക്കടവും, കല്യാണത്ത് ജില്ലാ കമ്മറ്റിയംഗം അജയകുമാര്‍ നെല്ലിക്കാട്ടും, ബളാന്തോട് ബിജെപി മണ്ഡലം ജനറല്‍ സെക്രട്ടറി കെ.കെ.വേണുഗോപാലും, പാണത്തൂരില്‍ ജില്ലാ കമ്മറ്റിയംഗം രാമചന്ദ്ര സരക്കളായയും, കല്ലപ്പള്ളിയില്‍ പഞ്ചായത്ത് ജനറല്‍ സെക്രട്ടറി എം.കെ.സുരേഷും, പാറക്കടവില്‍ വനവാസി വികാസ കേന്ദ്രം ജില്ലാ സെക്രട്ടറി എം.ഷിബുവും, പെരു തടിയില്‍ ബിജെപി പഞ്ചായത്ത് പ്രസിഡന്റ് ടി.ആര്‍.രാജനും കോളിച്ചാലില്‍ കൃഷ്ണന്‍കുട്ടി നായരും, വിതരണം ഉദ്ഘാടനം ചെയ്തു. ചിറ്റാരിക്കാലില്‍ കര്‍ഷകമോര്‍ച്ച ജില്ലാ വൈസ് പ്രസിഡന്റ് ബേബി ഫ്രാന്‍സിസ് വൃക്ഷത്തൈ വിതരണം ഉദ്ഘാടനം ചെയ്തു.
