ആഗ്ര: ശക്തമായ കാറ്റിലും മഴയിലും താജ്മഹലിന് കേടുപാടുകൾ. താജ്മഹലിന്റെ പിൻഗേറ്റിൽ പതിച്ചിരുന്ന മാർബിൾ ഫലകങ്ങളും റെഡ് സ്റ്റോണുകളും തകർന്നു വീണു. പരിസരത്തെ നിരവധി മരങ്ങൾ കാറ്റിൽ പതിച്ചു.
ശക്തമായ കാറ്റും മഴയും ഇടിമിന്നലുമാണ് ആഗ്രയില് വെള്ളിയാഴ്ച രാത്രി ഉണ്ടായത്. മണിക്കൂറില് 124 കി.മീ വേഗതയില് വീശിയടിച്ച കാറ്റില് ഇരുപതിലധികം വീടുകളും നിരവധി വാഹനങ്ങളും തകർന്നു. മൂന്ന് പേർ മരിച്ചു.
മരിച്ചവരിൽ ആറു വയസുകാരി പെൺകുട്ടിയും ഉൾപ്പെടുന്നു. വീട് തകർന്നാണ് പെൺകുട്ടി മരിച്ചത്. മരിച്ചവരുടെ കുടുംബാംഗങ്ങൾക്ക് നാല് ലക്ഷം രൂപ ധനസഹായം പ്രഖ്യാപിച്ചു.
