ചെറുതോണി: ചെറുതോണി ടൗണിലും ബസ് സ്റ്റാന്റില് ബസ് കാത്ത് നിന്ന യാത്രക്കാര്ക്ക് തെരുവ് നായയുടെ കടിയേറ്റു. മുട്ടം സ്വദേശിയായ പുത്തന്പുരക്കല് സജീഷ്(35), വഴിത്തല ശ്യാം(32), സ്വകാര്യ ബസ് ഉടമ നാരകക്കാനം ഞാവള്ളില് ജെബിന്(42) എന്നിവര്ക്കാണ് നായയുടെ കടിയേറ്റത്.
ഇവരെ ഇടുക്കി മെഡിക്കല് കോളജ് ആശുപത്രിയില് പ്രവേശിപ്പിച്ചു. ഇന്നലെ വൈകിട്ട് 4.30ടെയാണ് സംഭവം. സെന്ട്രല് ജങ്ഷനില് ഭീകരാന്തരീക്ഷം സൃഷിടിച്ച നായ്ക്കളെ നാട്ടുകാരും വ്യാപാരികളും ചേര്ന്ന് ബഹളം വടച്ച് ഓടിക്കുകയായിരുന്നു. ഇവിടെ നിന്നും സ്വകാര്യ ബസ് സ്റ്റാന്റിലെത്തിയ നായ ബസ്കാത്തുനിന്നവരെ കടിച്ച് പരിക്കേല്പ്പിക്കുകയായിരുന്നു.
നാട്ടുകാര് വീണ്ടും സംഘടിച്ചതോടെ നായ ജില്ലാപഞ്ചായത്ത് ഷോപ്പിങ് കോംപ്ലകിസിന് പിന്നിലുള്ള കാട്ടിലേക്ക് ഓടി മറഞ്ഞു. ചെറുതോണിയിലും പരിസരത്തും തെരുവുനായ ശല്യം നാളുകളായി വര്ദ്ദിച്ചിരിക്കയാണ്. ഏതാനും ആഴ്ചകള്ക്ക് മുമ്പാണ് ഇടുക്കി മെഡിക്കല് കോളേജാശുപത്രിയിലെ അത്യാഹിത വിഭാഗത്തിന് മുമ്പില് ആശുപത്രി ജീവനക്കാരെ തെരുവുനായ ആക്രമിച്ചത്. ചെറുതോണിയിലും നായയു െടകടിയേറ്റവര് നിരവധിയാണ്.
