കാസര്കോട്: അഞ്ജന ഹരീഷിന്റെ മരണത്തിലെ ദുരൂഹത നീക്കുകയുംകേസില് ഉന്നതതല അന്വേഷണം നടത്തണമെന്ന് യുവമോര്ച്ച കാസര്കോട് ജില്ലാ ജനറല് സെക്രട്ടറി വൈശാഖ് കേളോത്ത് ആവശ്യപ്പെട്ടു.പല തവണ ദുരൂഹത സാഹചര്യത്തില് അഞ്ജനയെ കാണാതാവുകയും തിരിച്ചെത്തുകയുമുണ്ടായിരുന്നു. ഏറെ ദുരൂഹതയാണ് ഈ മരണവുമായി ബന്ധപെട്ടു പുറത്തുവരുന്നത്.മാര്ച്ച് 14ന് ശേഷംവീട്ടുകാരുമായി ബന്ധമില്ലാത്ത അഞ്ജന കഴിഞ്ഞ 13ന് വീട്ടുകാരുമായി ബന്ധപ്പെടുകയും തിരിച്ചു വരണമെന്നും വീട്ടുകാര്ക്കൊപ്പം കഴിയണമെന്ന് ആഗ്രഹം പ്രകടിപ്പിക്കുകയും ചെയ്തിരുന്നു.
എല്ലാ പ്രശ്നങ്ങള് പൊറുക്കണമെന്നും വീട്ടുകാരുടെ ആഗ്രഹമനുസരിച്ചു ജീവിക്കണമെന്നും അഞ്ജന അമ്മയെ വിളിച്ചു പറഞ്ഞതായിട്ടാണ് വീട്ടുകാര് സാക്ഷ്യപ്പെടുത്തുന്നു. തീവ്ര ഇടതുപക്ഷ പ്രസ്ഥാനവുമായി ബന്ധപ്പെട്ടും, ചുംബന സമരങ്ങള് പോലെയുള്ള നിരവധി സമരങ്ങളില് പങ്കുടുത്തു വിവാദങ്ങളുണ്ടാക്കുകയും ചെയ്തിരുന്നു. ബന്ധുക്കളുമായി ഏറെക്കാലമായി അടുപ്പമില്ലാത്ത അഞ്ജന വീണ്ടും വീട്ടില് തിരിച്ചെത്താന് ആഗ്രഹമറിയിച്ച അടുത്ത ദിവമാണ് മരണപ്പെട്ടത്. ഇത് മരണത്തില് സംശയങ്ങളുണ്ടാക്കുന്നു.അഞ്ജനയുടെ യാത്രകളിലെയും ചുറ്റുമുള്ള കൂട്ടുകാരുടെ പ്രവര്ത്തങ്ങളിലെ അസ്വാഭാവികതയും,മറ്റു തീവ്ര ഇടതുപക്ഷ പ്രസ്ഥാനങ്ങളുമായുള്ള ബന്ധങ്ങളുംശക്തമായ അന്വേഷണത്തിലൂടെ പുറത്തു കൊണ്ടുവരാന് സര്ക്കാര് തയ്യാറക്കണമെന്ന് വൈശാഖ് പ്രസ്താവനയില് ആവശ്യപ്പെട്ടു.
