കാസര്കോട്: കോവിഡ് മഹാമാരിക്കെതിരെയുള്ള പോരാട്ടത്തില് സാമൂഹ്യ അകലം പാലിക്കേണ്ടതിന്റെ ആവശ്യകത വിളിച്ചോതി ബിജെപി പത്രസമ്മേളനങ്ങളും ഹൈടെക്കാകുന്നു. ബിജെപി കാസര്കോട് ജില്ലാ പ്രസിഡണ്ട് അഡ്വ.കെ.ശ്രികാന്താണ് ഇന്നലെ ഓണ്ലെന് വഴി വെര്ച്വല് പ്രസ്മീറ്റ് സംഘടിപ്പിച്ചത്.
ഗൂഗുള് മീറ്റ് ആപ്പ് വഴിയാണ് പത്രസമ്മേളനം നടത്തിയത്. ലോക് ഡൗണ് കാരണം കാസര്കോട്, കണ്ണൂര് ജില്ലകളിലെ വിവിധ ഭാഗങ്ങളില് വര്ക്ക് അറ്റ് ഹോമും ഓഫീസുകളിലുമായി ജോലി ചെയ്യുന്ന കാസര്കോട്ടെ മാധ്യമപ്രവര്ത്തകര് ഓണ്ലൈന് പത്രസമ്മേളനത്തില് പങ്കെടുത്തു. നിലവിലുള്ള സാഹചര്യങ്ങളെ എങ്ങനെ ക്രിയാത്മകമായി നേരിടാമെന്ന ആശയത്തില് നിന്നാണ് ഇത്തരത്തില് ഓണ്ലൈന് പത്രസമ്മളനം നടത്താന് പ്രേരണയായതെന്ന് ശ്രീകാന്ത് പറഞ്ഞു. കോവിഡിനെതിരായ പോരാട്ടത്തില് മാധ്യമങ്ങളുടെ മഹനീയമായ കര്മ്മത്തെ ശ്രീകാന്ത് അഭിനന്ദിച്ചു.
