തിരുവനന്തപുരം: മുഖ്യമന്ത്രി പിണറായി വിജയന്‍ ഇന്നു പത്രസമ്മേളനം നടത്തില്ല. ഇന്നു വൈകിട്ട് അഞ്ചു മണിക്ക് വാര്‍ത്താസമ്മേളനം ഉണ്ടാകുമെന്ന് മുഖ്യമന്ത്രിയുടെ ഓഫിസില്‍ നിന്ന് മാധ്യമങ്ങള്‍ക്ക് അറിയിപ്പുണ്ടായിരുന്നു. എന്നാല്‍, അഞ്ചു മണി ആയപ്പേഴേക്കും വാര്‍ത്താസമ്മേളനം ഉണ്ടാകില്ലെന്ന് വീണ്ടും മുഖ്യമന്ത്രി ഓഫിസ് അറിയിച്ചു.
കൊറോണ പ്രതിരോധത്തിനായി പ്രധാനമന്ത്രി നരേന്ദ്ര മോദി സര്‍ക്കാര്‍ പ്രഖ്യാപിച്ച 20 ലക്ഷം കോടിയുടെ പാക്കെജ് സംബന്ധിച്ച വിശദാംശങ്ങള്‍ ധനമന്ത്രി നിര്‍മല സീതാരാമന്‍ പ്രഖ്യാപിക്കുകയാണ്. നാലു മണിക്ക് തുടങ്ങിയ വാര്‍ത്താസമ്മേളം അഞ്ചു മണിക്കു ശേഷവും തുടരുകയായിരുന്നു. എല്ലാ മാധ്യമങ്ങളും ആ വാര്‍ത്താസമ്മേളനമാണ് തല്‍സമയം സംപ്രേഷണം ചെയ്യുന്നത്. അതിനാല്‍, മുഖ്യമന്ത്രിയുടെ പതിവു വാര്‍ത്താസമ്മേളനം ചാനലുകള്‍ തത്സസമയം സംപ്രേഷണം ചെയ്യില്ലെന്ന് വ്യക്തമായി. മാത്രമല്ല, സംപ്രേഷണം ചെയ്താലും വാര്‍ത്താസമ്മേളനം കാണാന്‍ ജനങ്ങളെ കിട്ടില്ലെന്ന് വ്യക്തമായതോടെ മുഖ്യമന്ത്രിയുടെ വാര്‍ത്താലസമ്മേളനം റദ്ദാക്കുകയായിരുന്നു.
