കോഴിക്കോട്: പ്രവാസികള്ക്കുള്ള ക്വാറന്റൈന് കേന്ദ്രത്തിലെ വൃത്തിഹീന സാഹചര്യം ചൂണ്ടിക്കാണിച്ചപ്പോള് പോലീസുകാര് ഭീഷണിപ്പെടുത്തിയതായി പരാതി. കോഴിക്കോട് ഫറോഖിലെ ക്വാറന്റീന് കേന്ദ്രത്തിലാണ് സംഭവം. കൊവിഡ് വാര്ഡിലേക്ക് അറസ്റ്റ് ചെയ്ത് മാറ്റുമെന്നായിരുന്നു പോലീസിന്റെ ഭീഷണി.
ഫറോഖിലെ റൈസ് ഹോസ്റ്റലില് ഒരുക്കിയ ക്വാറന്റീന് മുറിയിലാകെയും കിടക്കയിലും പൊടിശല്യവും മാറാലയുമാണ്. പാറ്റയും പഴുതാരയും അടക്കമുള്ള ക്ഷുദ്രജീവികളെയും റൂമില് കാണാം. ബാത്ത് റൂം ഉപയോഗിക്കാന് കഴിയാത്തത്ര ദയനീയമാണ്. ബഹ്റെയ്നില് നിന്നെത്തിയ 36 പേരാണ് ഈ ഹോസ്റ്റലില് ഉള്ളത്. പലരും മുറിക്കുള്ളില് താമസിക്കാന് കഴിയാത്തതിനാല് പണം ഈടാക്കുന്ന ക്വാറന്റീന് കേന്ദ്രത്തിലേക്ക് മാറുകയാണ്.
പണം ഈടാക്കുന്ന ക്വാറന്റൈന് കേന്ദ്രത്തിലേക്ക് മാറണമെന്ന ആവശ്യത്തോടും അധികൃതര് മുഖം തിരിച്ചെന്ന് ഹോസ്റ്റലില് ഉള്ളവര് പറയുന്നു. പിന്നീട് ഡെപ്യൂട്ടി കളക്ടറെ നേരിട്ട് വിളിച്ച് പരാതിപ്പെട്ടപ്പോഴാണ് ഇതിനുള്ള സൗകര്യമൊരുക്കിയത്. ഇതോടെ കൂടുതല് പേര് ഈ കേന്ദ്രം ഉപേക്ഷിക്കാനുള്ള തീരുമാനത്തിലാണ്. അതേസമയം സമയപരിമിതിക്കുള്ളില് നിന്ന് കൊണ്ട് മികച്ച സൗകര്യം ഒരുക്കിയെന്നാണ് വാര്ഡ് കൗണ്സിലറുടെ വിശദീകരണം.
