കൊച്ചി: കൊറോണ വ്യാപിച്ച മാലദ്വീപില് 202 യാത്രക്കാരുമായി നാവികസേനയുടെ ഐഎന്എസ് മഗര് കൊച്ചി തുറമുഖത്തെത്തി. ഓപ്പറേഷന് സമുദ്രസേതുവിന്റെ ഭാഗമായി ഇന്നലെ വൈകിട്ട് 5.45ന് കപ്പല് കൊച്ചിയിലെത്തി. 15 സംസ്ഥാനങ്ങളില് നിന്നുള്ളവരാണ് കപ്പലിലുണ്ടായിരുന്നത്.
കേരളത്തില് നിന്നുള്ള 91 യാത്രക്കാരും തമിഴ്നാട്ടില് നിന്നുള്ള 80 യാത്രക്കാരും ഇവരിലുണ്ട്. രോഗലക്ഷണം ഇല്ലാത്തവരെ പ്രത്യേക വാഹനത്തില് തമിഴ്നാട്ടിലേക്ക് കൊണ്ടുപോകും. മറ്റു സംസ്ഥാനങ്ങളില് നിന്നുള്ള ആളുകള്ക്കും എറണാകുളത്ത് നിരീക്ഷണ സൗകര്യം ഒരുക്കിയിട്ടുണ്ട്. കാക്കനാട് ആഷിയാന ലേഡീസ് ഹോസ്റ്റല്, കളമശേരി രാജഗിരി ഹോസ്റ്റല് എന്നിവിടങ്ങളിലാണ് നിരീക്ഷണവാസം.
രോഗലക്ഷണമുള്ളവരെ കരുവേലിപ്പടി മഹാരാജാസ് ആശുപത്രിയില് പ്രവേശിപ്പിച്ചു. കേരളത്തിലെ വിവിധ ജില്ലകളില് ഉള്ള യാത്രക്കാര്ക്കായി കെഎസ്ആര്ടിസി ബസുകളും ക്രമീകരിച്ചിട്ടുണ്ട്. അവരെ അതത് ജില്ലകളിലെ നിരീക്ഷണ കേന്ദ്രങ്ങളിലേക്ക് മാറ്റും. കഴിഞ്ഞ ദിവസം ഐഎന്എസ് ജലാശ്വയില് 698 യാത്രക്കാര് എത്തിയിരുന്നു.
ജന്മഭൂമി ഓണ്ലൈന്