ന്യൂദല്ഹി: വിവിധ സംസ്ഥാനങ്ങളില് നിന്നായി മെയ് 10വരെ 366 ശ്രമിക് സ്്പെഷല് ട്രെയിനുകള് ഇന്ത്യന് റെയില്വേ ഓടിച്ചു. മൂന്നര ലക്ഷം തൊഴിലാളികളെ നാട്ടിലെത്തിക്കാനായി.
തൊഴിലാളികള്, തീര്ത്ഥാടകര്, ടൂറിസ്റ്റുകള്, വിദ്യാര്ത്ഥികള് തുടങ്ങി വിവിധ സ്ഥലങ്ങളില് കുടുങ്ങിപ്പോയവരുടെ യാത്രയ്ക്കായി കേന്ദ്ര ആഭ്യന്തര മന്ത്രാലയത്തിന്റെ നിര്ദേശ പ്രകാരം റെയില്വേ പ്രത്യേക ശ്രമിക് ട്രെയിനുകള് ഓടിക്കുന്നുണ്ട് .
സംസ്ഥാന അടിസ്ഥാനത്തില് ആന്ധ്രപ്രദേശ്, ഹിമാചല്പ്രദേശ് എന്നിവിടങ്ങളില് ഓരോന്നും ബിഹാറില് 87ഉം ഝാര്ഖണ്ഡില് 16ഉം മധ്യപ്രദേശില് 24ഉം മഹാരാഷ്ട്രയില് മൂന്നും ഒഡീഷയില് 20ഉം രാജസ്ഥാനില് നാലും തെലങ്കാനയിലും ബംഗാളിലും രണ്ടു വീതവും ഉത്തര്പ്രദേശില് 127ഉം ട്രെയിനുകളാണ് എത്തിച്ചേര്ന്നത്.
തിരുച്ചിറപ്പള്ളി, തിത്ലഗാര്, ബറൗനി, ഖാന്ദ്വ, ജഗന്നാഥപൂര്, ഖുര്ദ റോഡ്, പ്രയാഗ് രാജ്, ഛാപ്ര, ഭാലിയ, ഗയ, വരാണസി, ധര്ഭാംഗ, ഘോരഗ്പൂര്, ലക്നൗ, ജാന്പൂര്, ഹാതിയ, ബസ്തി, ദനാപൂര്, മൂസാഫര്പൂര്, സഹര്സാ തുടങ്ങി നിരവധി നഗരങ്ങളിലേക്കാണ് ഈ ട്രെയിനുകള് ആളുകളെ എത്തിച്ചത്.
ഈ പ്രത്യേക ട്രെയിനുകളില് ഓരോന്നിലും പരമാവധി 1200 യാത്രക്കാര് വീതം സാമൂഹിക അകലം പാലിച്ച് യാത്ര ചെയ്യാം. പുറപ്പെടുന്നതിനു മുമ്പ് ശരിയായ രോഗപരിശോധന ഉറപ്പാക്കുന്നുണ്ട്. യാത്രയില് അവര്ക്ക് ഭക്ഷണവും വെള്ളവും നല്കുന്നുണ്ട്.
