കോഴിക്കോട്: വയനാട്ടില് നിന്നും ആദ്യമായി ഐഎസ് പട്ടം നേടിയ ശ്രീധന്യ സുരേഷ് ഇനി മുതല് കോഴിക്കോട് അസിസ്റ്റന്റ് കളക്ടര്. ഉടന് തന്നെ ശ്രീധന്യ അസിസ്റ്റന്റ് കളക്ടര് ട്രെയിനിയായി ജോലിയില് പ്രവേശിക്കും.
410ാം റാങ്ക് നേടിയാണ് ശ്രീധന്യ സിവില് സര്വീസ് പരീക്ഷ വിജയിച്ചത്. കേരളത്തില് നിന്നും ആദ്യമായി ആദിവാസി വിഭാഗത്തില് നിന്നും സിവില് സര്വീസ് നേടുന്നയാളെന്ന നേട്ടവും ഇതോടെ ശ്രീധന്യയെ തേടിയെത്തിയിരുന്നു.
തരിയോട് നിര്മല ഹൈസ്കൂളില് നിന്ന് പ്രാഥമിക വിദ്യാഭ്യാസം കരസ്ഥമാക്കിയ ശ്രീധന്യ കോഴിക്കോട് ദേവഗിരി കോളേജില് നിന്ന് സുവോളജിയില് ബിരുദമെടുത്തു. അതിനുശേഷം കാലിക്കറ്റ് സര്വകലാശാലയില് നിന്ന് ബിരുദാനന്തര ബിരുദം പൂര്ത്തിയാക്കിയ ശേഷം സിവില് സര്വീസിനായി പരിശീലനം നടത്തുകയായിരുന്നു.
പ്രതികരിക്കാൻ ഇവിടെ എഴുതുക: