ഭോപ്പാല്: മധ്യപ്രദേശിലെ ഖാര്ഗോണ് ജില്ലയില് ബാര്ബര്ഷോപ്പില് മുടിവെട്ടിയ 12 പേരില് ആറ് പേര്ക്ക് കൊവിഡ് സ്ഥിരീകരിച്ചു. ഖാര്ഗോണ് ജില്ലയിലെ ബാര്ഗാവ് ഗ്രാമത്തിലാണ് മുടിവെട്ടിലൂടെ രോഗം ബാധിച്ചത്.
ഇന്ഡോറിലെ ഹോട്ടലില് ജോലി ചെയ്യുന്ന ഒരാള് അടുത്തിടെ സലൂണിലെത്തി മുടിവെട്ടിയിരുന്നു. ഇയാള്ക്ക് കൊവിഡ് ബാധിച്ചിരുന്നു. തുടര്ന്ന് ഇതേ ദിവസം സലൂണിലെത്തിയ 12 പേരുടെ സാമ്പിളുകള് പരശോധിച്ചപ്പോഴാണ് ആറു പേരില് കൊവിഡ് കണ്ടെത്തിയത്. ഈ ആറ് പേരുടെ മുടിവെട്ടിയപ്പോഴും ഇവരെ മൂടാന് ബാര്ബര് ഒരേ തുണിയാണ് ഉപയോഗിച്ചിരുന്നതെന്നാണ് കണ്ടെത്തിയിരിക്കുന്നത്.
ഖര്ഗോണ് ജില്ലയില് ഇതുവരെ 60 പേര്ക്കാണ് രോഗം സ്ഥിരീകരിച്ചിരിക്കുന്നത്. സംഭവത്തെ തുടര്ന്ന് ഗ്രാമം അടച്ചു.
