കൊച്ചി: സ്പ്രിന്ക്ളര് അഴിമതിയില് പിണറായി സര്ക്കാരിനെ വിമര്ശിച്ച് ഹൈക്കോടതി. ജനങ്ങളുടെ വിവരങ്ങള് സുരക്ഷിതമാണോ എന്നു 15 മിനിറ്റിനുള്ളില് അറിയിക്കണമെന്ന് ഡിവിഷന് ബെഞ്ച് ഉത്തരവിട്ടു. വ്യക്തികളുടെ സ്വകാര്യത ഉറപ്പാക്കിയിട്ടുണ്ടോ, ഡാറ്റാ കൈമാറുന്നുണ്ടോ അടക്കം വിവരങ്ങള് അറിയിക്കണം. വിവരം സുരക്ഷിതമല്ലെങ്കില് ഇടപെടുമെന്നും കോടതി വ്യക്തമാക്കി. വിവരം പുറത്തുപോകുമോ എന്ന ആശങ്കയും കോടതി പങ്കുവച്ചു. സത്യവാങ്മൂലം നല്കാന് കൂടുതല് സമയം അനുവദിക്കില്ലെന്നും കോടതി വ്യക്തമാക്കി.
സ്പ്രിന്ക്ലര് കരാര് റദ്ദാക്കണമെന്ന് ആവശ്യപ്പെട്ട് സമര്പ്പിച്ച പൊതു താല്പ്പര്യ ഹര്ജി പരിഗണിക്കവേയാണു ഹൈക്കോടതിയുടടെ നിര്ണായക ഇടപെടല്. സ്പ്രിന്ക്ലറിനെതിരെ അമേരിക്കയില് ഡേറ്റ മോഷണത്തിന് കേസുണ്ടെന്നും ഈ സാഹചര്യത്തില് കരാര് റദ്ദാക്കണമെന്നുമാണ് ഹര്ജിയിലെ ആവശ്യം.
അഭിഭാഷകകനായ ബാലു ഗോപാല് ആണ് ഹൈക്കോടതിയെ സമീപിച്ചത്. വ്യക്തികളുടെ അനുവാദമില്ലാതെ വിവരങ്ങള് കൈമാറരുതെന്നും കേന്ദ്ര ഏജന്സിയെ കൊണ്ട് കരാറില് ഫോറന്സിക് ഓഡിറ്റ് നടത്തണമെന്നും ഹര്ജിക്കാരന് ആവശ്യപ്പെടുന്നു. കൊവിഡ് രോഗികളുടെ വിവരശേഖരണം സര്ക്കാര് ഏജന്സിക്ക് കൈമാറണമെന്നും ഹര്ജിയില് പറയുന്നു.
