കൊച്ചി: കൊറോണക്കെതിരെ പ്രകാശത്തിന്റെ ഐക്യം കൊളുത്താന് പ്രധാനമ്രന്തി നിര്ദേശിച്ച സമയത്തിന് പല പ്രത്യേകതകളും ഉണ്ടെന്ന് ജ്യോതിഷികള്. പ്രധാനമന്ത്രിക്ക് ഇക്കാര്യം അറിയാമെങ്കിലും ഇല്ലെങ്കിലും ആ സമയം വളരെ വിലപ്പെട്ടതാണെന്നാണ് അഭിപ്രായം ഉയരുന്നത്.
ഏപ്രില് 5ന് രാത്രി 9 മുതല് 9 മിനുട്ട് കൊറോണയെന്ന ഇരുട്ടില് നിന്നു വെളിച്ചത്തിലേക്കു നയിക്കാന് ഇന്ത്യയിലെ 136.9 കോടി പേര് ദീപം തെളിയിക്കാന് ആവശ്യപ്പെട്ടരിക്കുകയാണ്.
ഏപ്രില് 5 ഞായറാഴ്ച, അത് സൂര്യദേവന്റെ ദിനം(രവിവാരം). ചൈത്രമാസത്തിലെ ദ്വാദശി(32 നാഴിക 38 വിനാഴിക) കഴിഞ്ഞ് രാത്രിയില് ത്രയോദശി തിഥി തുടങ്ങുന്ന ഈ സമയം പ്രദോഷമാണ്. പ്രദോഷമെന്ന വാക്കിന്റെ അര്ത്ഥം ദോഷത്തെ ഇല്ലാതാക്കുന്നത് എന്ന്. മഹാദേവന്റെ പൂജയ്ക്ക് ഏറെ പ്രാധാന്യമുള്ളതാണ് പ്രദോഷം. പ്രദോഷ സന്ധ്യയില് പാര്വതീ ദേവിയുടെ സാന്നിധ്യത്തില് ശിവന് താണ്ഡവമാടുമെന്നും അതുകാണാന് സകലദേവന്മാരും കൈലാസത്തില് സന്നിഹിതരാകുമെന്നുമാണ് വിശ്വാസം. ആയുരാരോഗ്യം, ദാരിദ്യദുഃഖശമനം, ഐശ്വര്യം, സല്ക്കീര്ത്തി എന്നിവയൊക്കെ പ്രദാനം ചെയ്യാന് പ്രദോഷഭജനം പ്രാപ്തമാണ്. അന്നു നക്ഷത്രം പൂരമാണ്. പൂരം നക്ഷത്രം ശിവ, പാര്വതീ, ഗണപതി പ്രീതികരമാണ്.ഭാരതീയ വിശ്വാസപ്രകാരം ഭൂമിക്ക് അക്ഷയോര്ജ്ജം പ്രദാനം ചെയ്യുന്നവനും മനുഷ്യന്റെ ബുദ്ധിയെ ഉത്തേജിപ്പിക്കുന്നവനും സൂര്യനാണ്. സൂര്യന്റെ പ്രസാദത്തിനുംനവഗ്രഹപ്രീതിയ്ക്കും വഴിയൊരുക്കും.
ഒന്പത് എന്നത് സംഖ്യാശാസ്ത്രപ്രകാരം സ്നേഹം, വിശ്വാസം, ഭൂതദയ(സഹജീവിസ്നേഹം), ജീവകാരുണ്യപ്രവര്ത്തനം, ആത്മീയ ഉണര്വ് എന്നിവയെയെല്ലാമാണ് പ്രതിനിധീകരിക്കുന്നത്. ഇത് മനുഷ്യന്റെ കര്മ്മഗതിയേയും സാര്വലൗകിക ആത്മീയനിയമങ്ങളേയും സൂചിപ്പിക്കുന്നു. വെളിച്ചത്തിന്റെ സംഖ്യയുമാണ് 9.
പാശ്ചാത്യ ന്യൂമറോളജി(സംഖ്യാശാസ്ത്രം)സ്റ്റുകള് 9നെ ഏയ്ഞ്ജല് നമ്പര് എന്നാണ് വിളിക്കുന്നത്. അവരുടെ അഭിപ്രായത്തില് 9 എന്ന സംഖ്യ സൂചിപ്പിക്കുന്നത് ദൈവദത്തമായ ജീവനെയാണ്. അതായത് ജീവിതയാത്രയില് നാം തനിച്ചല്ലെന്നും ദൈവീകമായ കൃപാകടാക്ഷം നമുക്കൊപ്പമുണ്ടെന്നുമാണ് ഈ സംഖ്യനമ്മോടു പറയുന്നത്.
ചൈത്രമാസത്തിലെ ദ്വാദശിയില് നിന്നും ത്രയോദശിയിലേക്ക് കടക്കുന്ന സമയമാണ് ഏപ്രില് അഞ്ച് രാത്രി ഒമ്പത് മണിയെന്ന് മറ്റു ചിലര് പറയുന്നു. ഇത് ദേവസംഗമ വേളയാണത്രേ. പ്രശസ്തമായ ആറാട്ടുപുഴ പൂരം ഇതേ സമയത്താണ് . ഈ സമയത്ത് വിളക്ക് കത്തിച്ച് പ്രാര്ത്ഥിക്കുന്നത് സകല രോഗപീഡകള്ക്കും പരിഹാരമാണ്.
