ബാലുശ്ശേരി: താമരശ്ശേരി താലൂക്കിലെ റേഷന് കടകളില് ഭക്ഷ്യധാന്യം കൃത്യമായി എത്തിക്കുന്നതില് അധികൃതര് വീഴ്ച്ച വരുത്തിയതോടെ വിവിധ റേഷന് കടകളില് അരി വിതരണം തടസപ്പെട്ടു. ഇതോടെ മുഖ്യമന്ത്രിയുടെ അവസാന നമ്പര് പ്രഖ്യാപനം കേട്ട് ഇന്നലെ തന്നെ അരി വാങ്ങാന് എത്തിയവര് നിരാശരായി മടങ്ങി.
ഉണ്ണികുളം പഞ്ചായത്തിലെ എ.ആര് ഡി 98,100 നമ്പര് റേഷന് കടകളിലാണ് അരി എത്താത്തതിനെ തുടര്ന്ന് രാവിലെ മുതല് ഉച്ചവരെ അരി വിതരണം പൂര്ണ്ണമായും നിലച്ചത്. ഉഭഭോക്ത സംരക്ഷണ സമിതി പ്രസിഡന്റ് അനില്കുമാര് താലൂക്ക് സപ്ലൈ ഓഫീസറെ വിളിച്ച് സംഭവം ശ്രദ്ധയില്പ്പെടുത്തിയെങ്കിലും ധിക്കാരപരമായ മറുപടിയാണ് ഓഫീസറുടെ ഭാഗത്ത് നിന്ന് ഉണ്ടായതെന്ന് ആരോപണമുയര്ന്നിട്ടുണ്ട്.
വാവാട് ഗോഡൗണില് നിന്ന് അരി എത്തിക്കാന് മതിയായ സൗകര്യം ഒരുക്കാത്തതാണ് നിരവധി പേര് അരി കിട്ടാതെ മടങ്ങേണ്ടി വന്നതിന് കാരണം. ഉച്ചയ്ക്ക് ശേഷം അരി എത്തിയതിനു ശേഷമാണ് വിതരണം പുന:സ്ഥാപിച്ചത്. റേഷന് കാര്ഡ് നമ്പറിലെ അവസാന നാല്, അഞ്ച് അക്കക്കാരാണ് ഇന്നലെ അരിവാങ്ങാന് എത്തിയത്.
മുഖ്യമന്ത്രിയുടെ വാക്ക് കേട്ട ബി.പി.എല് കുടുബം വലിയ ആനുകൂല്യം ഉണ്ടെന്ന് കരുതി റേഷന് കടയില് എത്തിയപ്പോഴാണ് കിലോ അരിക്ക് നേരത്തെ നല്കിയ രണ്ട് രൂപ ഇളവ് മാത്രമാണെന്നും ബാക്കിയെല്ലാം സര്ക്കാറിന്റെ തള്ളലായിരുന്നുവെന്നും ബോധ്യപ്പെട്ടത്. ബിപി എല് പിങ്ക് നിറത്തിലുള്ള കാര്ഡില് നാല് അംഗ കുടുംബമാണെങ്കില് 16 കിലോ പതിവായി മാസത്തില് ലഭിക്കുന്ന അരി തന്നെയാണ് ഇപ്പോഴും ലഭിക്കുന്നതെന്ന് കാര്ഡ് ഉടമകള് പറഞ്ഞു.
