തിരുവനന്തപുരം: കൊറോണ വൈറസ് മൂലം കേരളത്തില് രണ്ടാമത്തെ മരണം റിപ്പോര്ട്ട് ചെയ്തു. തിരുവനന്തപുരം പോത്തന്കോട് സ്വദേശിയായ അബ്ദുള് അസീസ് (68) ആണ് മരിച്ചത്.ഈ മാസം 23 മുതല് ഇദ്ദേഹം തിരുവനന്തപുരം മെഡിക്കല് കോളേജില് ചികിത്സയിലായിരുന്നു. ശ്വാസകോശവും വൃക്ക സംബന്ധമായ അസുഖവും ഇയാള്ക്കുണ്ടായിരുന്നു.
ഇദ്ദേഹത്തിന് എവിടെ നിന്ന് രോഗം ലഭിച്ചു എന്ന് കണ്ടെത്താന് കഴിഞ്ഞിരുന്നില്ല. സെക്കന്ഡറി കോണ്ടാക്ടില് നിന്നാണ് ഇദ്ദേഹത്തിന് രോഗം വന്നത്. മാര്ച്ച് 13 നായിരുന്നു രോഗലക്ഷണം കണ്ട് തുടങ്ങിയത്. ഞായറാഴ്ചയാണ് രോഗം സ്ഥിരീകരിച്ചത്. വിദേശ യാത്ര നടത്തുകയോ, രോഗബാധിതരുമായി ഇടപഴകിയിട്ടോ ഇല്ലെന്നാണ് റിപ്പോര്ട്ട്. ഐസൊലേഷന് വാര്ഡില് നിന്ന് ഹൃദയാഘാതവും പക്ഷാഘാതവും ഉണ്ടായെന്നാണ് ആശുപത്രി വൃത്തങ്ങള് നല്കുന്ന വിവരം.
ആദ്യ പരിശോധനില് ഫലം നെഗറ്റീവായിരുന്നു. എന്നാല് രണ്ടാമത്തെ പരിശോധനാ ഫലം പോസിറ്റീവായതോടെയാണ് രോഗം സ്ഥിരീകരിച്ചത്.
