തിരുവനന്തപുരം: കോവിഡ് നിരീക്ഷണത്തിനിടെ വീട്ടിൽ നിന്നും ചാടിപ്പോയ ആൾ പോലീസ് പരിശോധനയ്ക്കിടെ തലകറങ്ങി വീണു. തിരുവനന്തപുരം ജില്ലയിലെ തിരുവല്ലാത്തതാണ് സംഭവം. ഇയാളെ ആശുപത്രിയിൽ പ്രവേശിപ്പിച്ചു. സർക്കാർ നിർദ്ദേശം ലംഘിച്ച് ബൈക്കുമായി കറങ്ങാനിറങ്ങിയാതായിരുന്നു ഇയാൾ.
തിരുവനന്തപുരം ജനറൽ ആശുപത്രിയിൽ നിരീക്ഷണത്തിൽ കഴിയുന്നതിനിടെ ചാടിപ്പോയ മൂന്ന് പേരെയും ഇനിയും കണ്ടെത്തിയിട്ടില്ല. ഇവർക്കെതിരെ പോലീസ് കേസെടുത്തു. ആലപ്പുഴയിൽ കൊവിഡ് നിരീക്ഷണം ലംഘിച്ച് പുറത്തിറങ്ങിയ യുവാവിനെ പൊലീസ് പിടികൂടി. കഞ്ഞിക്കുഴി സ്വദേശിയെയാണ് പൊലീസ് കസ്റ്റഡിയിലെടുത്തത്.
കൊവിഡ് നിരീക്ഷണത്തിലായിരുന്ന ചേർത്തല സ്വദേശികൾ മുങ്ങിയെന്ന പരാതിയും ഉയർന്നിട്ടുണ്ട്. ചേർത്തല വെല്ലപ്പാട്ടിൽ ആനന്ദ് ജോസഫ്, എൽസമ്മ ജോസഫ് എന്നിവരെയാണ് നിരീക്ഷണത്തിലിരിക്കെ കാണാതായത്. തൃശ്ശൂരിലായിരുന്നു ഇവരെ നിരീക്ഷണത്തിലാക്കിയത്.
