തിരുവനന്തപുരം: സംസ്ഥാനത്ത് ഇന്ന് 9 പേര്ക്ക് കോവിഡ്-19 രോഗബാധ സ്ഥിരീകരി ച്ചിട്ടുണ്ട്. ഇതോടെ ആകെ ചികിത്സയിലുള്ളവരുടെ എണ്ണം 112 ആയി. ആകെ ഇതുവരെ സ്ഥിരീകരിച്ചവരുടെ എണ്ണം 118 ആണ്. 12 പേര് രോഗമുക്തരായി.
ഇന്ന് രോഗം സ്ഥിരീകരിച്ചവരില് രണ്ടുപേര് പാലക്കാട്, മൂന്നുപേര് എറണാകുളം, രണ്ടുപേര് പത്തനംതിട്ട, ഒരാള് ഇടുക്കി, ഒരാള് കോഴിക്കോട് എന്നിങ്ങനെയാണ്. ഇവരില് നാലുപേര് ദുബായില്നിന്ന് വന്നവരാണ്. ഒരാള് യുകെയില്. ഒരാള് ഫ്രാന്സില്നിന്ന്. മൂന്ന് കോണ്ടാക്ട്. തിരുവനന്തപുരത്തും തൃശൂരും ചികിത്സയിലായിരുന്ന രണ്ടുപേര് രോഗം ഭേദപ്പെട്ട് ഡിസ്ചാര്ജ് ചെയ്തു.
ആകെ 76,542 ആളുകളാണ് ഇപ്പോള് നിരീക്ഷണത്തിലുള്ളത്. അതില് 76,010 പേര് വീടുകളിലും 532 പേര് ആശുപത്രികളിലുമാണ്. ഇന്നു മാത്രം 122 പേരെ ആശുപത്രിയില് പ്രവേശിപ്പിച്ചു. 4,902 സാമ്പിളുക ളാണ് പരിശോധനയ്ക്ക് അയച്ചത്. 3,465 എണ്ണം രോഗബാധ ഇല്ല എന്നുറപ്പാക്കിയിട്ടുണ്ട്. സംസ്ഥാനത്ത് ആകെ 118 പേര്ക്ക് വൈറസ് ബാധ വന്നതില് 91 പേര് വിദേശരാജ്യങ്ങളില്നിന്നു വന്ന ഇന്ത്യക്കാ രാണ്. 8 പേര് വിദേശികളാണ്. ബാക്കി 19 പേര്ക്ക് കോണ്ടാക്ട് മുഖേന വൈറസ് ബാധിച്ചതാണ്.
