ന്യൂദല്ഹി: കൊറോണയെ പ്രതിരോധിക്കാന് സ്വീകരിക്കേണ്ട വ്യക്തി ശുചിത്വ ഉള്പ്പടെയുള്ള കാര്യങ്ങള് വിവരിച്ചു കൊണ്ടുള്ള പ്രമുഖ ഭജന് ഗായകന് നരേന്ദ്ര ചഞ്ചലിന്റെ ഭജന് സമൂഹമാധ്യമങ്ങളില് വൈറലാകുന്നു. ദല്ഹിയിലെ പഹര്ഗഞ്ചില് നടന്ന ഹോളി ആഘോഷങ്ങള്ക്കിടെ ചഞ്ചല് ആലപിച്ച ഭജനാണ് വൈറലായത്.
‘ദേവി ഈ കൊറോണ ഇപ്പോള് എവിടെ നിന്ന് വന്നു’ എന്നാണ് ഭജനിലെ ഒരു വരി. ‘ഡെങ്കി ഉണ്ടായി.. പന്നിപ്പനി ഉണ്ടായി.. ചിക്കുന്ഗുനിയയും പരിഭ്രാന്തി ഉണ്ടാക്കി… എല്ലാം വാര്ത്തകള് സൃഷ്ടിച്ചു.. പക്ഷെ ഈ കൊറോണ ഇപ്പോള് എവിടെ നിന്ന് വരുന്നു…’ എന്നിങ്ങനെ നീളുന്നു ഭജന്. ചഞ്ചലിന്റെ ‘കൊവിഡ് ഭജന്’ എന്തായാലും സമൂഹമാധ്യമങ്ങള് ഏറ്റെടുത്തു കഴിഞ്ഞു.
