ന്യൂദല്ഹി: മുന് ഇന്ത്യന് താരവും കമന്റേറ്ററുമായ സഞ്ജയ് മഞ്ജരേക്കറെ കമന്റേറ്റര് പാനലില്നിന്നു ബിസിസിഐ പുറത്താക്കി. ഐപിഎല് മത്സരങ്ങളിലും മഞ്ജരേക്കര് കമന്ററി ബോക്സിലുണ്ടാകില്ലെന്നാണു റിപ്പോര്ട്ടുകള്.
ഇന്ത്യയും ദക്ഷിണാഫ്രിക്കയും തമ്മിലുള്ള ഒന്നാം ഏകദിന മത്സരത്തില് മഞ്ജരേക്കര് ഉണ്ടായിരുന്നില്ല. മഴമൂലം ഉപേക്ഷിച്ച മത്സരത്തില് കമന്ററി പറയാന് സുനില് ഗവാസ്കര്, എല്. ശിവരാമകൃഷ്ണന്, മുരളി കാര്ത്തിക് എന്നിവരാണ് എത്തിയത്.
അതേസമയം എന്തുകൊണ്ടാണ് സഞ്ജയ് മഞ്ജരേക്കറെ പുറത്താക്കിയതെന്ന കാര്യത്തില് വ്യക്തതയില്ല. എന്നാല്, ലോകകപ്പിനിടെ ഇന്ത്യന് താരം രവീന്ദ്ര ജഡേജജെയ സംബന്ധിച്ചു മഞ്ജരേക്കര് നടത്തിയ പരാമര്ശങ്ങള് വിവാദമായിരുന്നു. സഹ കമന്റേറ്റര് ഹര്ഷ ഭോഗ്ലെയുമായും മഞ്ജരേക്കര് പ്രശ്നമുണ്ടാക്കി.
