ചെങ്ങന്നൂര്: അഭിഭാഷകന് അടിയേറ്റ് മരിച്ചു. മാലിന്യം നിക്ഷേപിക്കുന്നതിനെ ചൊല്ലിയുള്ള തര്ക്കമാണ് കൊലപാതകത്തില് കലാശിച്ചതെന്ന് പോലീസ്. പുത്തന്കാവ് അങ്ങാടിക്കല് ശാലേം നഗറില് കുറ്റിക്കാട്ട് തൈക്കൂട്ടത്തില് ഏബ്രഹാം വര്ഗ്ഗീസ് (65) ആണ് മരിച്ചത്. ഇദ്ദേഹം ചെങ്ങന്നൂര് കോടതിയില് അഭിഭാഷകനാണ്. സംഭവത്തില് രണ്ടുപേരെ പോലീസ് കസ്റ്റഡിയിലെടുത്തെങ്കിലും, ഒരാളെ പിന്നീട് വിട്ടയച്ചു.
വെള്ളിയാഴ്ച അര്ധരാത്രിയായിരുന്നു സംഭവം. കേസില് പോലീസ് പറയുന്നത് ഇങ്ങനെ: വീട്ടിലെ മാലിന്യം ശബരിമല വില്ലേജ് റോഡില് അങ്ങാടിക്കല് ഭാഗത്താണ് ഏബ്രഹാം നിക്ഷേപിച്ചിരുന്നത്. കവറില് മാലിന്യവുമായി സ്കൂട്ടറില് പോയ ഇദ്ദേഹത്തെ അവിടെയുള്ള ചെറുപ്പക്കാര് തടഞ്ഞു. ബൈക്ക് നിര്ത്താതെ പോയ ഇദ്ദേഹത്തെ രണ്ട് ബൈക്കിലായി മൂന്നുപേര് പിന്തുടര്ന്നു. വീടിന് തൊട്ടടുത്ത് വച്ച് ബൈക്ക് വട്ടം വച്ച് തടഞ്ഞു നിര്ത്തി. ഏബ്രഹാം ധരിച്ചിരുന്ന ഹെല്മെറ്റ് ചെറുപ്പക്കാരില് ഒരാള് കൈക്കലാക്കി തലയില് അടിച്ചു. അടിയേറ്റ് ഏബ്രഹാം മറിഞ്ഞുവീഴുന്നത് സമീപത്തെ സിസി ടിവി ദൃശ്യങ്ങളിലുണ്ട്. ചെറുപ്പക്കാര് തന്നെയാണ് ഏബ്രഹാമിനെ ആശുപത്രിയില് എത്തിച്ചത്.
ആദ്യം സമീപത്തുള്ള സ്വകാര്യ ആശുപത്രിയില് എത്തിച്ചെങ്കിലും അവിടെ നിന്ന് ചെങ്ങന്നൂര് ജില്ലാ ആശുപത്രിയിലേക്ക് കൊണ്ടുപോകുന്നതിനിടെ മരിച്ചു. ഏബ്രഹാമിന്റ വീട്ടുകാരോടും ഇവര് തന്നെയാണ് ഫോണില് വിവരമറിയിച്ചത്. പോലീസും ഫൊറന്സിക് വിദഗ്ധരും സംഭവസ്ഥലത്തെത്തി പരിശോധന നടത്തി. ചെങ്ങന്നൂരിലെ സ്വകാര്യ ആശുപത്രിയില് സൂക്ഷിച്ചിരിക്കുന്ന മൃതദേഹം ആലപ്പുഴ മെഡിക്കല് കോളേജില് പോസ്റ്റുമോര്ട്ടം നടത്തിയ ശേഷം ബന്ധുക്കള്ക്ക് വിട്ടുനല്കും.
ജെസി ഏബ്രഹാമാണ് ഭാര്യ. മക്കള്: ഐബി അന്ന എബ്രഹാം, ഫെബി മേരി ഏബ്രഹാം (എന്ആര്എം കോളേജ് വിദ്യാര്ഥി, കൊല്ലം) മരുമകന്: അനീഷ് ജോണ് (അബുദാബി).
