ന്യൂദല്ഹി : യുഎസ് പ്രസിഡന്റ് ഡൊണാള്ഡ് ട്രംപിന്റെ സന്ദര്ശനവുമായി ബന്ധപ്പെട്ട് സംഘടിപ്പിച്ച സമസ്തേ ട്രംപ് പരിപാടി ഇന്ത്യയില് മാത്രം വീക്ഷിച്ചത് 4.6 കോടി ആളുകള്. അഹമ്മദാബാദ് മൊട്ടേര ക്രിക്കറ്റ് സ്റ്റേഡിയത്തില് സംഘടിപ്പിച്ച പരിപാടിയാണ് നമസ്തേ ട്രംപ്.
ഒരു ലക്ഷത്തോളം ആളുകളാണ് മൊട്ടേര സറ്റേഡിയത്തില് പരിപാടി കാണുന്നതിനായി എത്തിയത്. ഇന്ത്യയിലെ 180 ചാനലുകള് ഇത് തത്സമയം സംപ്രേഷണം ചെയ്യുകയും ചെയ്തിട്ടുണ്ട്. 46 ദശലക്ഷം ആളുകള് ഈ മാധ്യമങ്ങളിലൂടെ പരിപാടി കണ്ടെന്ന് ടെലിവിഷന് റേറ്റിങ് ഏജന്സിയായ ബാര്ക്കും (ബ്രോഡ്കാസ്റ്റ് ഓഡിയന്സ് റിസര്ച്ച് കൗണ്സില്) കണക്കുകള് പുറത്തുവിട്ടിട്ടുണ്ട്. ഇന്ത്യയില് മാത്രമുള്ള കണക്കുകളാണ് ഇത്.
ട്രംപിനൊപ്പം ഭാര്യ മെലാനിയ, മകള് ഇവാന്ക, മരുമകന് കുടാതെ യുഎസ് ഉന്നതതല സംഘവും വിവിധ മാധ്യമങ്ങളഉം ഇന്ത്യയില് സന്ദര്ശനത്തിനായി എത്തിയിരുന്നു. വിദേശ മാധ്യമങ്ങളും ഈ പരിപാടി തത്സമയം സംപ്രേഷണം ചെയ്തിട്ടുണ്ട്.
പ്രധാനമന്ത്രി നരേന്ദ്രമോദിയുടെ യുഎസ് സന്ദര്ശനത്തിനിടെ ഹൗഡി മോദി എന്ന പേരില് പരിപാടി സംഘടിപ്പിച്ചിരുന്നു. ഈ മാതൃകയിലാണ് നമസ്തേ ട്രംപ് അഹമ്മദാബാദില് അരങ്ങേറിയത്.
