ന്യൂദല്ഹി : ശാന്തിയും സമാധാനവും പുനസ്ഥാപിക്കണമെന്ന് ആഹ്വാനം നല്കി പ്രധാനമന്ത്രി നരേന്ദ്രമോദി. സമാധാനവും ഐക്യവും ആകണം നമ്മുടെ ചിന്തകളുടെ കേന്ദ്രം. ട്വിറ്ററിലൂടെയാണ് മോദി ഇക്കാര്യം അറിയിച്ചത്.
ദല്ഹിയില് സമാധാന അന്തരീക്ഷം പുനസ്ഥാപിക്കുന്നതിനായി സഹോദരി സഹോദരങ്ങളോട് അഭ്യര്ത്ഥിക്കുകയാണ്. ദല്ഹിയിലെ വിവിധ കേന്ദ്രങ്ങളില് അരങ്ങേറുന്ന സംഭവങ്ങള് ദുഃഖമുളവാക്കുന്നതാണ്. എത്രയും പെട്ടന്ന് സമാധാനം കൊണ്ടുവരണമെന്നും പ്രധാനമന്ത്രി നരേന്ദ്രമോദി അറിയിച്ചു.
അതിനിടെ ദല്ഹിയില് വിവിധ സ്ഥലങ്ങളില് അരങ്ങേറിയ അക്രമ സംഭവങ്ങളുടെ സ്ഥിതിഗതികള് വിലയിരുത്തിയിട്ടുണ്ട്. പോലീസും മറ്റ് ഉദ്യോഗസ്ഥരും സമാധാനം പുനഃസ്ഥാപിക്കാന് ശ്രമിച്ചു വരികയാണ്. കേന്ദ്ര ഏജന്സികള് ഉള്പ്പടെയുള്ള വിദഗ്ധ സംഘവും ഇതിനായുള്ള നടപടിക്രമങ്ങള് ആരംഭിച്ചെന്നും മോദി മറ്റൊരു ട്വീറ്റിലൂടേയും അറിയിച്ചിട്ടുണ്ട്.
