കൊല്‍ക്കത്ത : ബംഗാളില്‍ സ്വാമി വിവേകാനന്ദ പ്രതിമയ്ക്ക് നേരെ അജ്ഞാതസംഘത്തിന്റെ ആക്രമണം. മുര്‍ഷിദാബാദിലെ മാ ശാരദ നാനി ദേവി ശിക്ഷ കേന്ദ്രത്തിന് മുന്നിലുള്ള പ്രതിമയ്ക്ക് നേരെയാണ് ആക്രമണമുണ്ടായത്. പോലീസ് സംഭവ സ്ഥലതെത്തി പരിശോധന നടത്തി.
സ്‌കൂളിനു സമീപമുള്ള റോഡിലാണ് വിവേകാനന്ദ പ്രതിമ സ്ഥാപിച്ചിരുന്നത്. പ്രദേശത്തെ സിസിടിവി ദൃശ്യങ്ങള്‍ പരിശോധിച്ച് അക്രമിയെ കണ്ടെത്താനാവുമെന്നാണ് പോലീസ് പ്രതീക്ഷിക്കുന്നത്.
ബംഗാളില്‍ ഹിന്ദുക്കള്‍ക്കും ക്ഷേത്രങ്ങള്‍ക്കും നേരെയുള്ള ആക്രമണങ്ങള്‍ വര്‍ധിച്ചുവരുന്നതായി റിപ്പോര്‍ട്ടുകള്‍ പുറത്തുവന്നിരുന്നു. അതിന് പിന്നാലെയാണ് സ്വാമി വിവേകാനന്ദ പ്രതിമയ്ക്ക് നേരെ ആക്രമണം ഉണ്ടായിരിക്കുന്നത്.
അടുത്തിടെ സിലിഗുരി നഗരത്തിലെ ഗേറ്റ്ബസാര്‍ പ്രദേശത്തെ കാളീ വിഗ്രഹത്തിന് നേരെ ആക്രമണം ഉണ്ടായതായി റിപ്പോര്‍ട്ടുകള്‍ പുറത്തുവന്നിരുന്നു. കൂടാതെ സംസ്ഥാനത്തെ ഹൈന്ദവ ക്ഷേത്രങ്ങള്‍ കൊള്ളയടിക്കാനും പലതവണ ശ്രമങ്ങള്‍ ഉണ്ടായിട്ടുണ്ട്.
