കല്പ്പറ്റ: ആനക്കൊമ്പുകളുമായി ഇടുക്കി സ്വദേശി പിടിയില്. ഇടുക്കി ബൈസണ്വാലി മുന് പഞ്ചായത്ത് പ്രസിഡന്റ് മൗന്സ് പുരത്തില് വീട്ടില്പീര് മുഹമ്മദ് ബാഷ(54)യാണ് അറസ്റ്റിലായത്.
സൗത്ത് വയനാട് ഡിവിഷന് മേപ്പാടി റെയ്ഞ്ചില് മുണ്ടക്കൈ സ്റ്റേഷന് പരിധിയില് വരുന്ന തൊള്ളായിരം കാട്ടിമറ്റം വനത്തിനുള്ളില് പരിക്കേറ്റ് ചരിഞ്ഞ കാട്ടാനയുടെ ജഡത്തില് നിന്നു നഷ്ടപ്പെട്ട കൊമ്പുകളാണ് ഇയാളില് നിന്ന് പിടിച്ചെടുത്തത്. ആനക്കൊമ്പ് കടത്താന് ഉപയോഗിച്ച കെ.ആര്.യു. 2861 നമ്പര് ജീപ്പും കസ്റ്റഡിയിലെടുത്തു. പ്രതിയെ ഉദ്യോഗസ്ഥര് വിശദമായി ചോദ്യം ചെയ്തു വരികയാണ്.
ഇയാളെക്കൂടാതെ ഇടുക്കി സ്വദേശികളായ മൂന്നു പേരെയും സ്ഥലമുടമയെയും പിടികൂടാനുണ്ടെന്ന് സൗത്ത് വയനാട് ഡിവിഷണല് ഫോറസ്റ്റ് ഓഫീസര് അറിയിച്ചു. സൗത്ത് വയനാട് ഡിവിഷണല് ഫോറസ്റ്റ് ഓഫീസര് പി. രഞ്ജിത് കുമാറിന്റെ നേതൃത്വത്തില് മേപ്പാടി റെയ്ഞ്ച് ഫോറസ്റ്റ് ഓഫീസറായ കെ. ബാബുരാജ്, മുണ്ടക്കൈ സ്റ്റേഷന് ഡെ. റെയ്ഞ്ച് ഫോറസ്റ്റ് ഓഫീസര് പി.ബി. മനോജ് കുമാര് സെക്ഷന് ഫോറസ്റ്റ് ഓഫീസര്മാരായ വി. മനോജ്, കെ. മണി, കെ.സി ശിവരാമന്, വി.എസ്. ജയചന്ദ്രന്, ബീറ്റ് ഫോറസ്റ്റ് ഓഫീസര്മാരായ പി. ഷിഹാബ്, ജോമിഷ് കെ. ജോണി, വി. ദാസന്, കെ. നിഥിന്, എന്നിവരും വാച്ചര്മാരായ സുഭാഷ്, രവി എന്നിവരടങ്ങിയ സംഘമാണ് കേസന്വേഷിച്ചത്.
