കൊച്ചി: മരട് ജെയിന് കോറല് കോവ് നിലംപൊത്താന് ഇനി മിനുട്ടുകള് മാത്രം. നിന്ത്രിത സ്ഫോടനത്തിലൂടെ ഫ്ളാറ്റ് തകര്ക്കുന്നതിനുള്ള നടപടികള് ആരംഭിച്ചു. ഫ്ളാറ്റുകളുടെ സമീപത്തുള്ളവരെ ഒഴിപ്പിച്ചുകഴിഞ്ഞു. ഫ്ളാറ്റുകളുടെ 200 മീറ്റര് ചുറ്റളവിലുള്ള മുഴുവന് ആളുകളും ഒമ്പതുമണിക്ക് മുമ്പ് സ്ഥലത്തുനിന്ന് മാറണമെന്ന് പോലീസ് നേരത്തെ അറിയിച്ചിരുന്നതാണ്. അതിനാല് ഇവര് സ്ഥലത്തുനിന്ന് മാറിയിട്ടുണ്ടോയെന്ന് ഉറപ്പുവരുത്താന് പോലീസ് പരിശോധന നടത്തുകയാണ്.
10.30നാണ് ആദ്യ സൈറണ് മുഴങ്ങിക്കഴിഞ്ഞു. പിന്നീട് 10.55 ന് രണ്ടാമത്തെ സൈറണ് മുഴക്കും. 11 മണിയോടെ മൂന്നാമത്തെ സൈറണ് മുഴങ്ങുന്നതോടെ ഇന്ന് ആദ്യം പൊളിക്കാന് നിശ്ചയിച്ചിരിക്കുന്ന ജെയ്ന് കോറല്കോവ് തകര്ക്കാനുള്ള സ്ഫോടനം നടക്കും. എന്നാല് ജെയിന് കോറല് കോവിന് സമീപം താമസിക്കുന്നവരുടെ എണ്ണം കുറവാണെങ്കിലുംെ കൂട്ടത്തില് ഏറ്റവും വലിയ ഫ്ളാറ്റ് സമുച്ഛയമായതിനാല് ഇത് പൊളിച്ചു നീക്കുന്നത് വെല്ലുവിളി തന്നെയാണെന്ന് അധികൃതര് അറിയിച്ചു. വെറും ഒമ്പത് മീറ്റര് ദുരത്ത് കായല്, ചുറ്റിലും വലുതും ചെറുതുമായ കെട്ടിടങ്ങള്. സമീപത്തെ വലുതും ചെറുതുമായ എല്ലാ കെട്ടിടങ്ങള്ക്കും സംരക്ഷണം ഒരുക്കിയാണ് സ്ഫോടനം ക്രമീകരിച്ചിരിക്കുന്നതെന്നാണ് ദൗത്യം ഏറ്റെടുത്ത കമ്പനി അധികൃതര് പറയുന്നത്.
വലിയ ഫ്ളാറ്റ് സമുച്ഛയം ആയത് കൊണ്ട് തന്നെ സ്ഫോടനത്തിലടക്കം വലിയ ക്രമീകരണങ്ങളാണ് ഒരുക്കിയിട്ടുള്ളത്. വലിയ തോതില് പൊടിപടലങ്ങള് ഉണ്ടാകാന് ഇടയുണ്ടെന്നും പൊളിക്കല് കരാറെടുത്ത കമ്പനി അധികൃതര് മുന്നറിയിപ്പ് നല്കിയിട്ടുണ്ട്.
നാല് മണിവരെ പ്രദേശത്ത് നിരോധനാജ്ഞ നിലവിലുണ്ട്. ഉച്ചക്ക് രണ്ട് മണിക്കാണ് രണ്ടാമത്തെ ഫ്ളാറ്റായ ഗോള്ഡന് കായലോരം പൊളിച്ച് മാറ്റുന്നത്. കൂട്ടത്തില് പഴക്കം ചെന്ന ഫ്ളാറ്റാണ് ഗോള്ഡന് കായലോരം. 15 കിലോ സ്ഫോടകവസ്തുക്കള് ഉപയോഗിച്ച് പ്രത്യേക സാങ്കേതിക വിദ്യയിലൂടെ സ്ഫോടനം നടത്താനാണ് ശ്രമം. അതേസമയം രാവിലെ പൊളിക്കുന്ന ജെയിന് കോറല്കോവില് 400 കിലോ സ്ഫോടകവസ്തുക്കളാണ് ഉപയോഗിക്കുന്നത്.
പ്രത്യേക ഡിസൈനാണ് ഗോള്ഡന് കായലോരം തകര്ക്കുന്നതിന് വേണ്ടി ഒരുക്കിയിട്ടുള്ളതെന്നും അധികൃതര് അറിയിച്ചു. ഫ്ലാറ്റിന് സമീപത്ത് നില്ക്കുന്ന അങ്കണവാടി അടക്കം പൂര്ണ്ണമായും സംരക്ഷിക്കുന്ന വിധത്തിലാകും സ്ഫോടനം എന്നാണ് അവകാശ വാദം. ഇരുന്നൂറ് മീറ്റര് പരിധിയില് നിന്ന് എല്ലാവരെയും പൂര്ണ്ണമായും ഒഴിപ്പിച്ചാണ് സ്ഫോടനം നടത്തുന്നത്.
