തിരുവനന്തപുരം: കേന്ദ്രസര്‍ക്കാര്‍ പൗരത്വ ഭേദഗതി പാസാക്കിയത്തില്‍ പ്രതിഷേധിച്ച് 17ന് തീവ്രമുസ്ലീം സംഘടനകളുടെ ഹര്‍ത്താല്‍. മുപ്പതില്‍ അധികം സംഘടനകളടങ്ങിയ സംയുക്ത സമിതിയാണ് ഹര്‍ത്താലിന് ആഹ്വാനം ചെയ്തിരിക്കുന്നത്. തീവ്ര മുസ്ലീം സംഘടനകളായ എസ്ഡിപിഐ, വെല്‍ഫെയര്‍പാര്‍ട്ടി, ഡിഎച്ച്ആര്‍എം ഉള്‍പ്പെടെയുള്ളലരും ഹര്‍ത്താലിന് പിന്തുണ അറിയിച്ചു. കേന്ദ്രസര്‍ക്കാരിന്റെ പൗരത്വ ഭേദഗതി ബില്‍, ദേശീയ പൗരത്വ പട്ടിക എന്നിവയില്‍ പ്രതിഷേധിച്ചാണ് ഹര്‍ത്താലിന് ആഹ്വാനം ചെയ്തത്.
കഴിഞ്ഞ തവണ ആസിഫ വിഷയത്തില്‍ മുസ്ലീം സംഘടനകള്‍ ആഹ്വനം ചെയ്ത വാട്‌സ്അപ്പ് ഹര്‍ത്താലില്‍ വ്യപകമായ അക്രമണം അരങ്ങേറിയിരുന്നു. നിരവധി കടകമ്പോളാങ്ങള്‍ നശിപ്പിക്കുകയും മോഷണങ്ങളും അരങ്ങേറി. തുടര്‍ന്ന പോലീസ് നടത്തിയ അന്വഷണത്തില്‍ ബേക്കറി കുത്തിതുറന്ന് മോഷണം നടത്തിയ രണ്ടു എസ്ഡിപിഐ പ്രവര്‍ത്തകരേയും അറസ്റ്റു ചെയ്തിരുന്നു.
അതിനിടെ അസമില്‍ പൗരത്വ ഭേദഗതി ബില്ലിനെതിരായ പ്രക്ഷോഭത്തിന് നിരവധി നാശനഷ്ടങ്ങളുണ്ടായി. ബിജെപി എംഎല്‍എ ബിനോദ് ഹസാരികയുടെ വീടിന് പ്രക്ഷോഭകര്‍ തീവച്ചു. കഴിഞ്ഞ ദിവസം കേന്ദ്ര സഹമന്ത്രിയുടെ വീടിന് നേരെ അക്രമം നടത്തിയ പ്രതിഷേധക്കാര്‍ക്ക് നേരെയുണ്ടായ വെടിവയ്‌പില്‍ എട്ട് പേര്‍ക്ക് പരുക്കേറ്റിരുന്നു. ഇതില്‍ രണ്ടു പേരുടെ നില ഗുരുതരമാണെന്നും റിപ്പോര്‍ട്ടുണ്ട്.
