അമേരിക്കന് പ്രസിഡന്റ് ഡൊണാള്ഡ് ട്രംപിന്റെ ഫേസ്ബുക്ക് പോസ്റ്റിനു ഇതു ആദ്യമായിയാണ് കേരളത്തില് ഇത്രയും ശ്രദ്ധനേടുന്നത്. ഇതിനു കാരണം മറ്റോന്നുമല്ല പോസ്റ്റില് ട്രംപ് പരാമര്ശിച്ച പേരുതന്നെയാണ്. ‘റ്റൂ ബാഡ്…വി വില് മിസ് യു കമല!'(വളരെ ദുഃഖമുണ്ട്. ഞങ്ങള് നിങ്ങളെ മിസ് ചെയ്യും കമല!) എന്ന പോസ്റ്റിനാണ് ഇപ്പോള് സോഷ്യല് മീഡിയയിലെ ചര്ച്ച വിഷയം.
കമലയെ മിസ് ചെയ്യുന്നുവെന്ന് അമേരിക്കന് പ്രസിഡന്റ് ഡോണാള്ഡ് ട്രംപിന്റെ പോസ്റ്റിനെതിരെ നിരവധി മലയാളികളാണ് എത്തിയിരിക്കുന്നത്. കേരള മുഖ്യമന്ത്രി പിണറായി വിജയന്റെ ഭാര്യയെയാണ് ട്രംപ് തന്റെ പോസ്റ്റില് പരാമര്ശിച്ചതെന്ന് തെറ്റുധരിച്ചാണ് കമന്റുകള് കുമിഞ്ഞുകൂടിയത്. ഇതിന്റെ ചുവടു പിടിച്ച് ട്രോളുകളും എത്തിയതോടെ വിഷയം സമൂഹമാധ്യമം ഏറ്റെടുത്തു.
എന്നാല്, അമേരിക്കയില് പ്രസിഡന്റ് തിരഞ്ഞെടുപ്പില് ഡൊണാള്ഡ് ട്രംപിനെതിരെ സ്ഥാനാര്ഥിത്വം പ്രഖ്യാപിച്ച ഡെമോക്രാറ്റ് വനിത അംഗവും ഇന്ത്യന് വംശജയുമായ കമല ഹാരിസ് പിന്മാറിയതുമായി ബന്ധപ്പെട്ടായിരുന്നു ട്രംപിന്റെ ഫേസ്ബുക്ക് പോസ്റ്റ്. സാമ്പത്തിക സഹായമില്ലത്തതിനാലാണ് പിന്മാറുന്നതെന്ന് കമല ഹാരിസ് അറിയിച്ചിരുന്നു.
