തിരുവനന്തപുരം: ബിഎസ്എന്എല്ലിന്റെ ഭാവി നിര്ണയിക്കുന്ന പുനരുദ്ധാരണ പദ്ധതിയുടെ ഭാഗമായ സ്വയം വിരമിക്കല് പാക്കേജ് (വിആര്എസ്) അട്ടിമറിക്കാന് ഇടത് തൊഴിലാളി യൂണിയനുകള്. കേന്ദ്ര സര്ക്കാര് മുന്നോട്ടുവച്ച വിആര്എസ് പദ്ധതി തൊഴിലാളികള്ക്കിടയില് വന് സ്വീകാര്യതയാണ് ഉണ്ടാക്കിയത്. എന്നാല് ഇതിനെ തുരങ്കംവച്ച് ബിഎസ്എന്എല്ലിനെ തകര്ക്കാനുള്ള ശ്രമമാണ് എംപ്ലോയീസ് അസോസിയേഷനുകളുടെ നേതൃത്വത്തില് നടക്കുന്നത്.
ജീവനക്കാര് സ്വയം വിരമിച്ചാല് ഇടതുപക്ഷ സംഘടനയുടെ അംഗബലം കുറയുകയുമെന്നു മാത്രമല്ല ഭീമമായ മാസവരിസംഖ്യ ലഭിക്കാതെയും വരും. ഇതിനാലാണ് കുപ്രചരണങ്ങള് അഴിച്ചുവിട്ടും തെറ്റിദ്ധരിപ്പിച്ചും നിര്ബന്ധിച്ചും വിആര്എസ്സിന് അപേക്ഷിച്ചവരെ പിന്തിരിപ്പിക്കാന് ശ്രമിക്കുന്നത്. ഇന്ത്യയൊട്ടാകെ പാക്കേജിന് അനുകൂലമായി ജീവനക്കാര് പ്രതികരിച്ചപ്പോള് കേരള സര്ക്കിളില് അപേക്ഷിച്ചവരെ പോലും പിന്വലിപ്പിക്കാനുള്ള ശ്രമമാണ്. കേരളത്തില് 82,580 പേരാണ് വിആര്എസ്സിന് അര്ഹര്. ഇതില് 2619 പേര്അപേക്ഷിച്ചു. പ്രത്യേക പോര്ട്ടല് സംവിധാനത്തിലൂടെയാണ് അപേക്ഷ. അപേക്ഷ സമര്പ്പിക്കാനുള്ള തീയതി നാളെ സമാപിക്കാനിരിക്കെ ഊമക്കത്തുകളിലൂടെയും വാട്സ്ആപ്പ് ഉള്പ്പെടെയുള്ള സമൂഹമാധ്യമങ്ങളിലൂടെയും വ്യാപകമായ കുപ്രചാരണമാണ് നടക്കുന്നത്.
അപേക്ഷ സ്വീകരിക്കുന്ന സെര്വറിന്റെ പാസ്വേഡ് കൈകാര്യം ചെയ്യുന്ന ഇടതുപക്ഷ അനുകൂലികളായ ഏതാനും ഉദ്യോഗസ്ഥര് വിആര്എസ്സിന് അപേക്ഷിച്ചവരുടെ വിവരങ്ങള് ചോര്ത്തി യൂണിയനുകള്ക്ക് നല്കി. ഇതോടെ രഹസ്യമായി സ്വന്തം യൂസര്നെയിം വഴി അപേക്ഷിച്ചവരുടെ വീടുകളില് പിന്തിരിയണമെന്നാവശ്യപ്പെട്ട് യൂണിയന് നേതാക്കള് കയറി ഇറങ്ങുകയാണ്. ബിഎസ്എന്എല് എംപ്ലോയീസ് യൂണിയന്, സഞ്ചാര് നിഗം എക്സിക്യൂട്ടീവ് അസോസിയേഷന് തുടങ്ങിയ ഇടതുപക്ഷ സംഘടനകളുടെ വെബ്സൈറ്റുകളിലും സമൂഹമാധ്യമങ്ങളിലെ ഗ്രൂപ്പുകളിലും പാക്കേജിനെതിരെയുള്ള പോസ്റ്റുകളാണ്.
കേന്ദ്ര സര്ക്കാര് പ്രഖ്യാപിച്ച വിആര്എസ് പാക്കേജിന്റെ ബാധ്യത പൂര്ണമായും സര്ക്കാര് തന്നെ വഹിക്കും. അതേസമയം, ജീവനക്കാര് പാക്കേജ് നിരാകരിച്ചാല് മൊത്തം ശമ്പളബാധ്യത, പെന്ഷന് വിഹിതം എന്നിവ ബിഎസ്എന്എല് തന്നെ വഹിക്കേണ്ടി വരും. ഇപ്പോഴത്തെ സാമ്പത്തിക സ്ഥിതിയില് ബിഎസ്എന്എല്ലിനു താങ്ങാന് കഴിയില്ല. നികുതി കുറയ്ക്കുന്നതിന് വേണ്ടി ഘട്ടങ്ങളായി ലഭിക്കുന്ന തുക, ശമ്പളപരിഷ്കരണത്തെ ചൊല്ലിയുള്ള വ്യാജപ്രചരണം എന്നിവ നടത്തിയാണ് ജീവനക്കാരെ പിന്തിരിപ്പിക്കാന് യൂണിയനുകള് ശ്രമിക്കുന്നത്. ഇടതുപക്ഷ സംഘടനാ യൂണിയനുകളുടെ സ്വാര്ത്ഥ താത്പര്യത്തിനു വേണ്ടി ബിഎസ്എന്എല്ലിനെ നശിപ്പിക്കാന് ശ്രമിക്കുന്നെന്നാണ് ഒരുവിഭാഗം ജീവനക്കാരുടെ ആരോപണം.
