ഇസ്താംബുള്: യുഎന് പ്രതിനിധി സഭയില് കശ്മീര് വിഷയത്തില് പാകിസ്ഥാനെ പിന്തുണച്ചുകൊണ്ടുള്ള തുര്ക്കിയുടെ നിലപാടിനു തൊട്ടുപിന്നാലെ തുര്ക്കിയില് പാര്ട്ടി ഓവര്സീസ് ഓഫീസ് തുറന്ന ഇന്ത്യന് നാഷണല് കോണ്ഗ്രസ്. തുര്ക്കി ആസ്ഥാനമായി പ്രവര്ത്തിക്കുന്ന വാര്ത്താ ഏജന്സിയായ അനഡോലു ഏജന്സിയാണ് ഈ വാര്ത്ത പുറത്തു വിട്ടത്ത്.
ഇസ്താംബുളില് ഒരു ഓഫീസ് തുറക്കുന്നതുമായി ബന്ധപ്പെട്ട് കോണ്ഗ്രസിന്റെ ഇന്ത്യന് ഓവര്സീസ് കോണ്ഗ്രസ് (ഐഒസി) പത്രക്കുറിപ്പ് ഇറക്കിയിരുന്നുവെന്ന് റിപ്പോര്ട്ടുകള് പറയുന്നു. മുഹമ്മദ് യൂസഫ് ഖാനാണ് തുര്ക്കിയിലെ ഓഫീസിന്റെ ചുമതല. ഒരു കൂട്ടം കോണ്ഗ്രസ് അനുഭാവികളും സുവിശേഷകരുമാണ് ഇന്ത്യന് ഓവര്സീസ് കോണ്ഗ്രസില് ഉള്ക്കൊള്ളുന്നത്. രാഹുല് ഗാന്ധിയുടെ വിശ്വസ്തനായ സാം പിട്രോഡയാണ് ഐഒസി ചെയര്മാന്.
തുര്ക്കി പ്രസിഡന്റ് റീസെപ് തയ്യിപ് എര്ദോഗന് കശ്മീര് വിഷയത്തില് പാകിസ്ഥാന്റെ നിലപാട് അനുകൂലിച്ചതിനു തൊട്ടുപിന്നാലെയാണ് കോണ്ഗ്രസിന്റെ ഈ നീക്കം. എന്നാല്, ഏഷ്യന് ഭൂഖണ്ഡത്തിന്റെ സാമാധന പൂര്ണമായ നില തകര്ക്കാന് കശ്മീര് വിഷയമാകരുതെന്നും ചര്ച്ചയില് അഭിപ്രായം ഉയര്ന്നു.
