കോഴിക്കോട്: മാവോയിസ്റ്റ് കേസില് ഇരട്ടതാപ്പു നയം മന്ത്രിമാര് സ്വൂകരിക്കുന്നുവെന്ന് ബിജെപി സംസ്ഥാന ജനറല് സെക്രട്ടറി കെ സുരേന്ദ്രന്. മാവോയിസ്റ്റ് ബന്ധം ആരോപിച്ച് രണ്ട് സിപിഎം പ്രവര്ത്തകരെ അറസ്റ്റ് ചെയ്ത സംഭവം അതീവ ഗൗരവകരമാണെന്നും ഈ കേസ് അട്ടിമറിക്കാന് പാര്ട്ടിയും പോലീസും ശ്രമിക്കുന്നുവെന്നും അദേഹം പറഞ്ഞു.
നിരോധിത സിപിഐ മാവോയിസ്റ്റ് ഭീകരവാദ സംഘടനയുടെ കേഡറുകളാണ് അറസ്റ്റിലായവര്. ഇവര്ക്ക് മറ്റ് ഭീകരവാദ സംഘടനകളുമായി ബന്ധമുണ്ടെന്ന് എഫ്ഐആര് വ്യക്തമാക്കുന്നുവെന്ന് സുരേന്ദ്രന് പറഞ്ഞു. പോലീസ് തെളിവുകളുടെ അടിസ്ഥാനത്തിലാണ് പ്രതികളെ അറസ്റ്റ് ചെയ്തതെന്നും എഫ്ഐആര് വായിക്കാതെയാണ് പ്രതികളെ രക്ഷിക്കാന് പ്രതിപക്ഷ നേതാവ് രമേശ് ചെന്നിത്തല മുറവിളി കൂട്ടുന്നതെന്നും അദേഹം കൂട്ടിച്ചേര്ത്തു.
പോലീസിന്റെ ആരോപണങ്ങള് ഗൗരവമാണെന്ന് പറയുന്നവരാണ് പ്രതികളുടെ വീട്ടില് പോയി ഐക്യദാര്ഡ്യം പ്രഖ്യാപിക്കുന്നത്. ആദ്യം നിയമപരിരക്ഷ ഇല്ല എന്ന് പറഞ്ഞവര് പിന്നെ പാര്ട്ടി വക്കീലിനെ ഏര്പ്പാടാക്കി നല്കുന്നുവെന്നും സുരേന്ദ്രന് ആക്ഷേപമുയര്ത്തി. പ്രതികളെ ന്യായീകരിക്കാന് മന്ത്രിമാര്ക്കും സിപിഎം, കോണ്ഗ്രസ് നേതാക്കള്ക്ക് എന്തു ജുഡീഷ്യല് അധികാരമാണ് ഉള്ളത്. നാളെ പിടിയിലായവര് കുറ്റക്കാരാണെന്ന് തെളിഞ്ഞാല് ഇവര് എന്ത് മറുപടി പറയുമെന്നും സുരേന്ദ്രന് ചോദിച്ചു.
എസ്എഫ്ഐയിലും ഡിവൈഎഫ്ഐയിലും നല്ലൊരു വിഭാഗം തീവ്രവാദികളാണ്. അതിനാലാണ് പാര്ട്ടി ഇവര്ക്ക് പിന്തുണ നല്കുന്നതെന്നും അദേഹം വ്യക്തമാക്കി. കേസില് രാഷീയ നേതൃത്വം പൊലീസിനെ വഴിതെറ്റിക്കുകയാണ്. രാഷ്ടീയ ഇടപെടല് ഒഴിവാക്കണം. സത്യം വെളിച്ചെത്ത് വരണമെന്നും സുരേന്ദ്രന് പത്രസമ്മേളനത്തില് പറഞ്ഞു.
