കൊച്ചി: നാവിക സേനയ്ക്കു വേണ്ടി ഇന്ത്യയില്ത്തന്നെ നിര്മിക്കുന്ന പ്രഥമ വിമാന വാഹിനി കപ്പലിന് ഷിപ്യാഡ്- പ്രതിരോധവകുപ്പ് കരാറായി. കപ്പലിന്റെ മൂന്നാം ഘട്ട നിര്മാണത്തിനുള്ള 3000 കോടി രൂപയുടെ കരാര് കൊച്ചിന് ഷിപ്യാഡും പ്രതിരോധ വകുപ്പും തമ്മില് ഒപ്പിട്ടു.
കപ്പല് നിര്മാണത്തിന്റെ ഈ ഘട്ടം പ്രതിരോധവകുപ്പിന്റെ നിയന്ത്രണത്തിലും നിരീക്ഷണത്തിലും കനത്ത സുരക്ഷാ സംവിധാനങ്ങളിലായിരിക്കും. ഈ വിമാന വാഹിനിയില് ഘടിപ്പിച്ചിട്ടുള്ള വിവിധ ഉപകരണങ്ങളുടെ പ്രവര്ത്തനവും തുറമുഖ ഏകോപനവും പരീക്ഷിക്കുക, കപ്പലിന്റെ കടല് യാത്രാ പരീക്ഷണം എന്നിവയ്ക്കാണ് ഈ കരാര്.
ഈ വിമാന വാഹിനിയുടെ നിര്മാണത്തിലെ മൂന്നാമത്തേതും അവസാനത്തേതുമായ ഘട്ടമാണിത്. 3000 കോടിയിലേറെ രൂപ വരുന്ന കരാര് ലഭിച്ചതോടെ ഷിപ്യാഡിന്റെ വളര്ച്ചയിലും നേട്ടത്തിലും വലിയ കുതിപ്പാണുണ്ടായിട്ടുള്ളത്. കപ്പല് സേനയ്ക്കു കൈമാറിയ ശേഷമുള്ള ആയുധ, വ്യോമ പരീക്ഷണങ്ങള്ക്കുള്ള സഹായവും ഈ കരാറില് ഉള്പ്പെടും.
പ്രതിരോധ മന്ത്രാലയം ജോയിന്റ് സെക്രട്ടറി നിധി ചിബര്, കൊച്ചിന് ഷിപ്യാഡ് ലിമിറ്റഡ് ഓപറേഷന്സ് ഡയറക്ടര് എന്.വി. സുരേഷ് ബാബു എന്നിവരാണ് കരാറില് ഒപ്പുവച്ചത്.
ജന്മഭൂമി ഓണ്ലൈന്