മുംബൈ: അണ്ടര്18 ലോക ചെസ് മത്സരത്തില് സ്വര്ണ മെഡല് നേടി രമേശ് പ്രാഗ്നാനന്ദ. ചെസ്സ് പ്രോഡിജി ഗ്രാന്ഡ്മാസ്റ്റര് കിരീടം നേടുന്ന നാലാമത്തെ ഏറ്റവും പ്രായം കുറഞ്ഞ വ്യക്തിയാണ് രമേശ്ബാബു പ്രാഗ്നാനന്ദ. സെര്ജി കര്ജാക്കിന്, ഗുകേഷ് ഡി, ജാവോകീര് സിന്ദരോവ് എന്നിവരെ പിന്നിലാക്കിയാണ് പ്രാഗ്നാനന്ദ ഈ ചരിത്രനേട്ടത്തിന് അര്ഹനായത്.
ഇതേത്തുടര്ന്ന് വേള്ഡ് യൂത്ത് ചെസ് ചാമ്പ്യന്ഷിപ്പിന്റെ ഔദ്യോഗിക ഫേസ്ബുക്ക് പേജ് പ്രാഗ്നാനന്ദക്ക് സ്വര്ണ മെഡല് നല്ക്കുന്ന ദൃശ്യങ്ങള് പങ്കുവക്കുകയും അഭിനന്ദനങ്ങള് അറിയിക്കുകയും ചെയ്തു. ചെസ്.കോം ഇന്ത്യയും പ്രാഗ്നാനന്ദക്ക് അഭിനന്ദനമറിയിച്ച് ട്വിറ്റ് ചെയ്തു. ശ്രദ്ധേയമായ 9/11 സ്കോറിനോപ്പം 2700 പെര്ഫോമന്സ് റേറ്റിങ്ങോടെയാണ് ഈ പതിനാലുകാരന് ചരിത്രവിജയം നേടിയത്.
2013ല് അണ്ടര് 8 ലോക ചെസ് മത്സരത്തില് കിരീടം നേടിയ ഈ കൊച്ചുമിടുക്കന് ഏഴാമത്തെ വയസ്സില് ഫിഡ് മാസ്റ്റര് പദവിയും നേടി. പിന്നീട് 2015 ല് അണ്ടര് 10 കിരീടവും നേടി. 2016 ല്, 10 വയസ്സ്, 10 മാസം, 19 ദിവസവുമായ പ്രാഗ്നാനന്ദ ചരിത്രത്തിലെ ഏറ്റവും പ്രായം കുറഞ്ഞ അന്താരാഷ്ട്ര ചെസ് മാസ്റ്ററായി. 2017 നവംബറില് നടന്ന ലോക ജൂനിയര് ചെസ് ചാമ്പ്യന്ഷിപ്പില് 8 പോയിന്റുമായി നാലാം സ്ഥാനത്തെത്തിയ പ്രാഗ്നാനന്ദ ആദ്യ ഗ്രാന്ഡ്മാസ്റ്റര് മാനദണ്ഡം നേടിയിരുന്നു.
കഴിഞ്ഞ വര്ഷം വെസ്ലി സോയ്ക്കെതിരായ നാല് ഗെയിമുകളുടെ ദ്രുത മത്സരത്തിനായി ലിയോണ് മാസ്റ്റേഴ്സ് 2018 ലേക്ക് ഈ മിടുക്കനെ ക്ഷണിച്ചു. 12 വയസുകാരനായ പ്രാഗ്നാനന്ദ ചെസ്സ് പ്രേമികളെ അത്ഭുതപ്പെടുത്തികൊണ്ട് സോയെ ഒന്നാം ഘടത്തില് തന്നെ പരാജയപ്പെടുത്തി. ചെന്നൈയിലെ പാഡി നഗരത്തിലാണ് രമേശ്ബാബു പ്രാഗ്നാനന്ദ താമസിക്കുന്നത്. പിതാവ് കെ. രമേഷ് ഒരു ബാങ്ക് ജീവനക്കാരനാണ്, അമ്മ വീട്ടമ്മയാണ്. മൂത്ത സഹോദരി വൈശാലി രമേശ്ബാബു രണ്ടുതവണ യൂത്ത് ചെസ് ചാമ്പ്യനും വനിതാ ഗ്രാന്ഡ്മാസ്റ്ററുമാണ്.
