കേരളത്തിലെ ഇടതുവലതു നേതാക്കള് ഹിന്ദി ഭാഷയോട് കാട്ടുന്ന എതിര്പ്പ് പൊതുജനങ്ങളെ പറ്റിക്കലാണ്. സെപ്തംബര് 14ന് നടന്ന ഹിന്ദി ദിവസ് പരിപാടിയില് രാഷ്ട്രത്തിന്റെയും രാഷ്ട്രഭാഷയുടെയും പ്രാധാന്യത്തെക്കുറിച്ചും കേന്ദ്ര, ആഭ്യന്തരവകുപ്പ് മന്ത്രി നടത്തിയ പരാമര്ശത്തെ എതിര്ത്തുകൊണ്ട് കേരള മുഖ്യമന്ത്രിയും പ്രതിപക്ഷനേതാവും അഭിനവ മലയാളഭാഷാപിതാവും നടത്തിയ പ്രസ്താവന കണ്ടപ്പോള് കിലുക്കം സിനിമയില് നടി രേവതിയോട് നടന് മോഹന്ലാല് ചോദിച്ച ‘വട്ടാണ് അല്ലേ…’ എന്ന ചോദ്യമാണ് നമ്മളില് ഉയര്ന്നുവരിക.
അദ്ധ്വാനിക്കുന്ന തൊഴിലാളിവര്ഗ്ഗത്തിന്റെ നേതാക്കളില് അധികാരമെത്തിയപ്പോള് കേരളത്തില് ജോലിക്കാരായി എത്തുന്നത് ഏറെയും അന്യദേശക്കാരാണ്. ഇവരോട് ആശയവിനിമയം നടത്താന് വ്യാപാരികള്, വീട്ടമ്മമാര് തുടങ്ങി സാധാരണക്കാരായ ഒട്ടുമിക്ക മലയാളികളും ഹിന്ദി-മലയാളം ഭാഷാസഹായി വാങ്ങി പഠിച്ചുവരുന്നു. ഈ കാര്യം സംഘപരിവാര് വിരോധത്തിന്റെ പേരില് ഇടതുവലത് നേതാക്കളും അവാര്ഡ് കാംക്ഷികളും വിസ്മരിക്കരുത്. കേരളഗവര്ണര് ഭരണഘടനയിലെ ചരിത്രങ്ങള് ഉദ്ധരിച്ച് നടത്തിയ ട്വീറ്റ് ഇരുവരും കണ്ടില്ല. മുഖ്യമന്ത്രിക്ക് വട്ടൊന്നുമില്ല. അദ്ദേഹം ഇടക്കിടെ പുട്ടിന് തേങ്ങയെന്ന പോലെ ”ഇത് കേരളമാണ്, കേരളമാണ്” എന്ന് ആവര്ത്തിക്കാറുണ്ട്. ഹിന്ദിക്കെതിരെ വന്ന എതിര്പ്പും ഇതിന്റെ ഭാഗംതന്നെയാണ്. ഇനി ഹിന്ദിയില് പിടിപാടില്ലെന്ന് പറഞ്ഞ് പിണറായി ഒഴിഞ്ഞാലും ചെന്നിത്തല ഹിന്ദിമാഷായിരുന്നുവെന്ന് കേട്ടിട്ടുണ്ട്. ഗാന്ധിയും കോണ്ഗ്രസും ദേശീയ പ്രസ്ഥാനത്തിന്റെ പരിപാടികളില് ഒന്നായി ഹിന്ദി ഭാഷാപ്രചാരണം ഉള്പ്പെടുത്തിയത് ജനങ്ങളില് ഐക്യബോധം വളര്ത്താന് തന്നെയായിരുന്നു.
സഖാവ് കൃഷ്ണപ്പിള്ള മലബാറിലെത്തിയത് ഹിന്ദി പ്രചാരകനായിട്ടായിരുന്നു. എന്നാല് കേരള സംസ്ഥാനം രൂപംകൊണ്ടതുമുതല് ഇഎംഎസും കമ്മ്യൂണിസ്റ്റുകാരും ഭരണഘടനയുടെ ‘യൂണിയന്’ പദം ഒളിപ്പിച്ച് ഭരണഘടനയിലില്ലാത്ത ഫെഡറല് പൊക്കിപ്പിടിച്ചാണ് ‘കേരളം മലയാളികളുടെ മാതൃഭൂമി’ എന്ന ഗ്രന്ഥരചന നടത്തിയത്. മുസ്ലിം ലീഗിനെ പങ്കാളിയാക്കി അധികാരം നിലനിര്ത്താന് കോണ്ഗ്രസ് അല്പ്പം വൈമനസ്യം കാട്ടിയപ്പോള് അവരെ ചേര്ത്തുപിടിച്ച് രണ്ട് മന്ത്രിപദവും ജില്ലയും നല്കി മുഖ്യധാരയിലേക്കാനയിച്ചത് ഇഎംഎസും കമ്മ്യൂണിസ്റ്റുകാരും തന്നെയാണ്. ഇന്ന് ജെഎന്യുവില് മുസ്ലീം തീവ്രവാദികളും കമ്മ്യൂണിസ്റ്റ് തീവ്രവാദികളും യോജിച്ച് മുഴക്കുന്ന ഒരു മുദ്രാവാക്യമുണ്ട് ‘കശ്മീര് കോ ആസാദി, കേരള കോ ആസാദി, ഹിന്ദുസ്ഥാന് തുക്കഡേ, തുക്കഡേ ഹോഗെ’ (കശ്മീരിന് സ്വാതന്ത്ര്യം വേണം, കേരളത്തിനും സ്വാതന്ത്ര്യം വേണം, ഇന്ത്യ ഛിന്നഭിന്നമാകണം).
യെച്ചൂരിക്കും പിബിക്കും ചെന്നിത്തലക്കും ഹൈക്കമാന്റിനും ഒക്കെ കേരളത്തില് ഒതുങ്ങിക്കഴിഞ്ഞാല് മതിയെന്നുണ്ടോ? ഹിന്ദി ഭാഷയുടെ പ്രാധാന്യമറിയാന് ബംഗളൂരില് അന്യഭാഷക്കാരെ വെച്ച് വ്യാപാരം നടത്തുന്ന മക്കളോടും അന്താരാഷ്ട്ര ബിസിനസ് നടത്തി അന്തര്സംസ്ഥാന ദാമ്പത്യം നടത്തുന്ന മക്കളോടുമൊക്കെ അന്വേഷിച്ചാല് നേതാക്കള്ക്ക് ഹിന്ദിയുടെ പ്രാധാന്യം മനസ്സിലാകും.
ജന്മഭൂമി ഓണ്ലൈന്