ലക്ഷ്മീരഹല്യ ചന്നമ്മാ രുദ്രമാംബാ സുവിക്രമാ
നിവേദിതാ സാരദാ ച പ്രണമ്യാ മാതൃദേവതാ:
മാര്ഗരറ്റ് നോബിളെന്ന നിവേദിത ഐറിഷ് വനിതയായിരുന്നു. സ്വാമി വിവേകാനന്ദന്റെ വ്യക്തിത്വത്തില് ആകൃഷ്ടയായ ഇവര് അദ്ദേഹത്തിന്റെ ശിഷ്യത്വം സ്വീകരിച്ച് യുഗാബ്ദം 4999 ല് ഭാരതത്തിലെത്തി. സ്വാമികളാണ് അവര്ക്ക് ഭഗിനി നിവേദിത എന്ന പേരു നല്കിയത്. നിവേദിത ഹിന്ദു മതത്തിന്റെ തത്വം പൂര്ണമായി ഗ്രഹിക്കുകയും തന്റെ വാക്കുകളും ലേഖനങ്ങളും വഴി അതിന്റെ ശ്രേഷ്ഠതയെ ലോകമാകെ അറിയിക്കുകയും ചെയ്തു. ഭാരതത്തില് അവര് ദീനരുടേയും ദു:ഖിതരുടേയും സേവനത്തില് വ്യാപൃതയായി. ഭഗിനി നിവേദിത വിപ്ലവകാരികള്ക്ക് ആവശ്യമായ പ്രചോദനങ്ങളും മാര്ഗനിര്ദേശങ്ങളും നല്കി. ഭാരതീയ സംസ്കാരത്തേയും ധര്മത്തേയും അവര് സര്വാത്മനാ സ്വീകരിച്ചിരുന്നു. ഭാരതത്തിന്റെ നവജാഗരണത്തിനുള്ള പ്രവര്ത്തനങ്ങളില് ഭഗിനി നിവേദിത വഹിച്ചിട്ടുള്ള പങ്ക് വര്ണനാതീതമാണ്. വെബ് ഓഫ് ഇന്ത്യന് ലൈഫ് തുടങ്ങിയ ഗ്രന്ഥങ്ങള് നിവേദിത രചിച്ചിട്ടുണ്ട്.
(ഹോ. വെ. ശേഷാദ്രിയുടെ ‘ഏകാത്മതാസ്തോത്രം’ വ്യാഖ്യാനത്തില് നിന്ന്)
