പത്തനംതിട്ട: പതിമൂന്നുകാരിയെ സഹപാഠികള് പീഡിപ്പിച്ചെന്ന കേസില് പൊലീസ് കസ്റ്റഡിയിലെടുത്ത ആറുപേരെയും താല്ക്കാലികമായി വിട്ടയച്ചു.പെണ്കുട്ടിയുടെ മൊഴിയും സാഹചര്യങ്ങളും പൊരുത്തപ്പെടുന്നില്ലെന്ന് കണ്ടാണ് ഇത്.പ്രായപൂര്ത്തിയാകാത്ത നാല് പേരും വിട്ടയയ്ക്കപ്പെട്ടവരില് ഉള്പ്പെടുന്നു.
കസ്റ്റഡിയിലെടുത്തവരുടെ അറസ്റ്റ് രേഖപ്പെടുത്തിയിരുന്നില്ല.കസ്റ്റഡിയിലെടുത്തവര്ക്കൊപ്പം പോയ സ്ഥലങ്ങള്, സമയം, സാഹചര്യം എന്നിവയില് പെണ്കുട്ടി നല്കിയ മൊഴിയില് വൈരുദ്ധ്യമുണ്ട്. കേസില് വിശദ അന്വേഷണം നടത്തും.
പത്ത് പേരുകളാണ് പെണ്കുട്ടി മൊഴിയായി നല്കിയത്. പത്തു പേരെയും പൊലീസ് കണ്ടെത്തി.ഇതില് നിന്നാണ് ആറ് പേരെ കസ്റ്റഡിയിലെടുത്തത്. എന്നാല് ഇവര്ക്കെതിരായ തെളിവുകള് പൊലീസിന് ലഭിച്ചിട്ടില്ലെന്നതാണ് കേസിലെ വെല്ലുവിളി. പീഡനത്തിന് വഴിയൊരുക്കിയ പ്രതി പട്ടികയില് ഉള്ള പെണ്കുട്ടിയെ കേന്ദ്രീകരിച്ച് പൊലീസ് അന്വേഷണം നടത്തുന്നുണ്ട്.
സ്കൂളില് നടന്ന കൗണ്സിലിംഗിലാണ് പെണ്കുട്ടി പീഡനവിവരം വെളിപ്പെടുത്തിയത്. കൂടല് പൊലീസ് രണ്ട് എഫ്ഐആറുകള് രജിസ്റ്റര് ചെയ്ത് അന്വേഷണം ആരംഭിച്ചു. പുറത്തു നിന്നുള്ള ചിലരും പീഡിപ്പിച്ചുവെന്നും ഇവരെ കണ്ടാല് തിരിച്ചറിയാമെന്നും പെണ്കുട്ടി മൊഴി നല്കി ജില്ലാ പൊലീസ് മേധാവിയുടെ നേതൃത്വത്തിലാണ് അന്വേഷണം .
