ന്യൂദല്ഹി : ഐഎന്എക്സ് മിഡിയ അഴിമതിക്കേസില് തിങ്കളാഴ്ച വരെ സിബിഐ കസ്റ്റഡിയില് കഴിഞ്ഞുകൊള്ളാമെന്ന് പി. ചിദംബരം. കസ്റ്റഡി കാലാവധി അവസാനിച്ചതോടെ ഇന്ന് കോടതിയില് ഹാജരാക്കിയപ്പോഴാണ് ചിദംബരം ഇക്കാര്യം അറിയിച്ചത്.
ജസ്റ്റിസ് ആര്. ബാനുമതി, എ.എസ് ബൊപണ്ണ എന്നിവരടങ്ങുന്ന ഡിവിഷന് ബെഞ്ചാണ് ഹര്ജി പരിഗണിച്ചത്. ഇതോടെ ചിദംബരത്തെ തീഹാര് ജെയിലിലേക്ക് മാറ്റി. കേസില് കഴിഞ്ഞ എട്ടു ദിവസമായി സിബിഐ ചോദ്യം ചെയ്ത് വരികയാണ്. ഈ ദിവസങ്ങളില് കൂട്ടു പ്രതികളേയും സാക്ഷിയാക്കി അന്വേഷണ സംഘം ചോദ്യം ചെയ്തതായാണ് റിപ്പോര്ട്ടുകള് സൂചിപ്പിക്കുന്നത്.
അതേസമയം എന്ഫോഴ്സ്മെന്റ് ഡയറക്ടറേറ്റ് കേസിലെ മുന്കൂര് ജാമ്യാപേക്ഷയില് സുപ്രിം കോടതി അടുത്ത മാസം അഞ്ചിനാകും വിധി പറയുക. ഇതുമായി ചോദ്യംചെയ്യലുമായി ബന്ധപ്പെട്ട രേഖകള് കൈമാറാന് സുപ്രീം കോടതി അന്വേഷണ സംഘത്തോട് അറിയിച്ചിരുന്നു. ഇതിനെ തുടര്ന്ന് കേസന്വേഷണവുമായി ബന്ധപ്പെട്ട റിപ്പോര്ട്ടും സിബിഐ കോടതിയില് സമര്പ്പിച്ചിരുന്നു.
