ആരാധ്യയായ സുഷമാ സ്വരാജ് അന്തരിച്ചുവെന്ന വാര്ത്ത ഓരോ ഭാരതീയനിലും വലിയ ദുഃഖമാണുണ്ടാക്കിയത്. ബിജെപിയുടെ കരുത്തയായ നേതാവ്, എതിരാളികളുടെപോലും ആദരവിന് പാത്രമായ ആകര്ഷകമായ വ്യക്തിത്വത്തിന്റെ ഉടമ, സര്വ്വോപരി രാഷ്ട്രത്തിന്റെ ഉന്നമനത്തിനായി രോഗത്തെപോലും അവഗണിച്ച് പ്രവര്ത്തിച്ച ധീരയായ വിദേശകാര്യമന്ത്രി. വിദേശരാജ്യങ്ങളുമായി ശക്തമായ നയതന്ത്രബന്ധം ഊട്ടിയുറപ്പിക്കാന് പ്രധാനമന്ത്രിയുടെകൂടെ എപ്പോഴും നിലയുറപ്പിച്ച സുഷമാ സ്വരാജിന്റെ നേട്ടങ്ങള് നിരവധിയാണ്. യമനില് കുടുങ്ങിയ ഭാരതീയരെ മാത്രമല്ല മറ്റുരാജ്യങ്ങളിലെ പൗരന്മാരെവരെ തിരിച്ചെത്തിച്ച അവരുടെ നയതന്ത്രനീക്കം, മുഴുവന് ലോകത്തിന്റേയും പ്രശംസ പിടിച്ചുപറ്റി. ഇറാഖില് ഭീകരവാദികള് ബന്ദികളാക്കിയ നഴ്സുമാരെ പോറലുപോലുമേല്പ്പിക്കാതെ എങ്ങനെ തിരിച്ച് ഭാരതത്തിലെത്തിച്ചുവെന്നത് ഇന്നും രഹസ്യമായി നില്ക്കുന്നു. വിദേശത്ത് ഏതെങ്കിലും തരത്തില് കുടുങ്ങിയ ഭാരതീയരെ ഒരു ട്വീറ്റിലൂടെ അറിയിപ്പുകിട്ടിയാല് പോലും ഉടന് ഇടപെട്ട് അവരെ രക്ഷിക്കാന് സുഷമാ സ്വരാജ് കാട്ടിയ കര്ത്തവ്യസാമര്ത്ഥ്യം ആരെയും അത്ഭുതപ്പെടുത്തുന്നതാണ്.
ധീരയായ സുഷമാജി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.